-- राजेश भोस्तेकर
रायगड : म्हसळा नगरपंचायत निवडणुकीत वार्ड नंबर 9 मधून काँग्रेसचे डॉ.मुईज शेख हे नवनिर्वाचित नगरसेवक म्हणून निवडून आले. निकाल लागून दोन दिवस होत नाहीत तोच नगरसेवक डॉ.मुईज शेख हे आपल्या वार्डात फिरून समस्या सोडविण्यासाठी सक्रिय झाले आहेत.
हे देखील पहा :
वार्डातील पाणी, स्मशानभूमी समस्या तसेच वार्ड मधील गरीब, निराधार मुलाचा शिक्षणाचा खर्च स्वतः उचलणार आहेत. तर विधवांना पेन्शन मिळण्यासाठी प्रयत्न करणार असल्याचे जाहीर केले आहे. त्यामुळे वार्डातील (ward) समस्या सोडविण्यासाठी असाच सक्षम नगरसेवक निवडून दिल्याबाबत मतदारांकडून डॉ.मुईज शेख यांच्याकडून अपेक्षा वाढल्या आहेत.
रायगड (Raigad) जिल्ह्यातील सहा नगरपंचायतीच्या सार्वत्रिक निवडणुका नुकत्याच पार पडल्या असून 19 जानेवारी रोजी निकालही जाहीर झाला. म्हसळा नगरपंचयत ही राष्ट्रवादी (NCP) काँग्रेसकडे गेली आहे. काँग्रेसचे (Congress) दोन नगरसेवक निवडून आले आहेत. वार्ड नंबर नऊ मधून डॉ. मुईज शेख हे विजयी झाले आहेत. त्यामुळे मतदाराचे त्याच्याकडून खूप अपेक्षा आहेत.
मतदारांच्या समस्या सोडविण्यासाठी निवडून येताच डॉ.शेख यांनी प्रशासनाच्या मंजुरीची वाट न पाहता जातीने स्वखर्चाने समस्या सोडविण्यासाठी पुढाकार घेतला आहे. त्यामुळे डॉ.शेख यांनी केलेले आश्वासने किती दिवसात पूर्ण करणार याकडे मतदाराचे लक्ष लागले आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.