Raigad News: बनावट सोनं विकून फसवणुक; टोळी स्थानिक गुन्हे अन्वेषण विभागाच्‍या ताब्‍यात

सचिन कदम

रायगड : शेतामध्ये नांगरणी करताना जुने सोनं मिळाले. असे सांगून ते सोन (Gold) बाजारभावाच्या अर्ध्या किंमतीत विकण्याचे आमिष दाखवून फसवणूक केली जात होती. या टोळीला रायगडच्या (Raigad) स्थानिक गुन्हे अन्वेषण विभागाने जेरबंद केले आहे. (Latest Marathi News)

बनावट सोनं घेवून ते शेतात नांगरनी करताना सापडून आल्‍याची बतावनी केली जात होती. ही टोळी रायगड शहर व परिसरात सक्रीय झाली होती. शिवाजी मोहिते (वय ५१, रा. नांदेड), वशिकला पवार (वय ६५, रा. उस्मानाबाद) आणि अनिता भोसले (वय ४०, रा. अहमदनगर) अशी आरोपींची नाव आहेत. त्यांच्याकडुन १३ लाख ३० हजार रुपयांची रोख रक्कम जप्त करण्यात आली आहे.

फसवणूक (Fraud) करत असलेल्‍या टोळी विरूद्ध या प्रकरणी नागोठणे पोलीस (Police) ठाण्यात भारतीय दंड संहितेनुसार गुन्हा दाखल करण्यात आला आहे. या प्रकरणाचा तपास नागोठणे पोलिस आणि स्थानिक गुन्हे अन्वेषण शाखेकडून केला जात आहे.