Raigad Accident News: कार दुचाकीचा अपघात; खरवली काळीज ग्रामपंचायतीच्‍या माजी सरपंचाचा मृत्‍यू

सचिन कदम

रायगड : मुंबई– गोवा महामार्गावर महाड शहर हद्दीत कार व मोटरसायकलचा (Accident) अपघात झाला. यामध्ये खरवली काळीज ग्रामपंचायत माजी सरपंच प्रमोद महामुणकर यांचे अपघाती निधन झाले आहे. (Tajya Batmya)

मुंबई– गोवा महामार्गावर (Mumbai Goa Highway) महाड शहर हद्दीत बुटाला हॉलसमोर सुंदरवाडी येथे कार आणि दुचाकी यामध्ये भीषण टक्कर होऊन हा अपघात झाला. माजी सरपंच प्रमोद महामुंणकर हे आपल्या मोटरसायकल वरून घरी जात होते. या दरम्‍यान समोरून येत असलेल्‍या कारने त्‍यांना जोरदार धडक दिली. या अपघातामध्ये त्यांना गंभीर दुखापत झाली.

पोलिसांकडून पंचनामा

महाडच्या (Mahad) ग्रामीण रुग्णालयात दाखल केले असता डॉक्टरांनी त्यांना मृत घोषित केले. घटनास्थळी महाड शहर पोलीस दाखल झाले. कायदेशीर प्रक्रिया सुरू करण्यात आली आहे. माजी सरपंच प्रमोद म्हामुणकर यांच्या अपघाती अकाली मृत्युच्या बातमीमुळे सर्वत्र हळहळ व्यक्त होत आहे.