Rain News Update : मुंबई आणि आजूबाजूच्या परिसराला पावसाने काल अक्षरश: धुवून काढलं. काल राज्यातील सात जिल्ह्यांना पावसाचा रेड अलर्ट देण्यात आला होता. त्यामुळे मुंबई, ठाण्यात पावसाची दिवसभर जोरदार बॅटिंग पाहायला मिळाली. आज पावसाचा (Heavy Rain) मूड कसा असेल यावर एक नजर टाकूया.
हवामान विभागाच्या अंदाजानुसार, राज्यात आज कुठेही रेड अलर्ट देण्यात आलेला नाही. ठाण्यासह ७ जिल्ह्यांना पावसाचा ऑरेंज अलर्ट देण्यात आला आहे. तर १३ जिल्ह्यांना पावसाचा यलो अलर्ट देण्यात आला आहे. (Latest News)
ठाणे, रायगड, रत्नागिरी, पुणे, सातारा, भंडारा, गोंदिया या सात जिल्ह्यांना ऑरेंज अलर्ट देण्यात आला आहे. हवामान विभागाच्या अंदाजानुसार या जिल्ह्यांमध्ये मुसळधार पाऊस पडण्याची शक्यता आहे. (Maharashtra News)
काल मुंबई, ठाणे, नवी मुंबई आणि कल्याण-डोंबिवली भागात मागील 12 तासांत अतिवृष्टीची नोंद झाली आहे. दहिसर परिसरात 100-170 मिमी आणि कल्याणजवळील भागात 140 मिमी पावसाची नोंद झाली. मुंबईतही 60-100 मिमी पावसाची नोंद झाली आहे.
ठाणे जिल्हात सद्यस्थितीतील अतिवृष्टी विचारात घेऊन व हवामान वर्तवण्यात आलेल्या शक्यतेच्या पार्श्वभूमीवर अतिवृष्टीच्या पहिली ते बारावीच्या विदयार्थ्यांची शाळेत ये-जा करण्याची गैरसोय होऊ शकते. या पार्श्वभूमीवर शालेय विदयार्थ्यांच्या सुरक्षिततेच्या दृष्टिकोनातून जिल्हातील सर्व शाळांना 28 जुलै रोजी सुट्टी जाहीर करण्यात येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.