Sangli News : महाराष्ट्र नवनिर्माण सेनेचे नेते राज ठाकरे (raj thackeray latest news) यांनी गुढी पाडव्याच्या सभेत सांगली (sangli) येथील कुपवाड नजीक झालेल्या अनधिकृत मशीद बांधकाम प्रकरणाचा मुद्दा उपस्थित केला. त्यावर आज सकाळी महापालिकेच्या अधिका-यांनी घटनास्थळाची पाहणी केली. त्यानंतर दुपारी महापालिका आयुक्तांनी संबंधित ठिकाणी झालेले अनधिकृत असल्याचे नमूद केले. अनिधकृत बांधकाम तात्काळ काढले जाईल असेही आयुक्तांंनी स्पष्ट केले. (Breaking News)
सांगलीच्या कुपवाड रोडवरील सूतगिरणी नजीक मंगलमूर्ती कॉलनी आहे. या ठिकाणी एका मशिदीच्या बांधकामाचा विषय राज ठाकरे यांनी बुधवारी झालेल्या सभेत छेडला. यावर कारवाई न झाल्यास मनसे पुढचं पाऊल उचलले असा इशारा देखील ठाकरेंनी भर सभेत दिला.
आज घटनास्थळाची महापालिकेच्या नगर रचना विभागाने पाहणी केली. या विभागाच्या अधिकारी यांनी महापालिका आयुक्त सुनील पवार यांच्याकडे अहवाल सुपुर्द केला. दुपारी आयुक्त सुनील पवार यांनी माध्यमांशी बाेलताना संबंधित ठिकाणी प्राथमिक शाळेचे आरक्षण असल्याचे स्पष्ट केले.
तात्काळ अनधिकृत बांधकाम काढणार
ते म्हणाले बुधवारी माध्यमातून आम्हांला मंगलमुर्ती काॅलनीत प्रार्थनास्थळाचे अनधिकृत बांधकाम सुरु असल्याची माहिती समजली. त्यानंतर तात्काळ तेथे अधिकारी, कर्मचारी पाठविण्यात आले. या ठिकाणी प्राथमिक शाळेचे आरक्षण आहे. प्रार्थनास्थळाला कोणत्याही प्रकारची परवानगी पालिकेनी दिलेली नाही. कायदेशीर कारवाई करून अनधिकृत बांधकाम तात्काळ काढले जाईल असेही महापालिका आयुक्त सुनील पवार यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
