Satara News : सातारा जिल्ह्यातील 'त्या' साखर कारखानदारांनी शेतक-यांना फसवले : राजू शेट्टी

Satara News : सातारा जिल्ह्यात गतवेळी साखर कारखानादारांनी जाहीर केलेल्या घाेषणा या हवेतच विरल्याचे दिसून येत आहेत. उसाच्या दरात एकेकाळी पश्चिम महाराष्ट्रात अग्रेसर असलेल्या सातारा (Satara) जिल्ह्यातील उसाला आज खर्चाच्या तुलनेत मिळणारा कमी भाव हा दुर्दैवी ठरला आहे अशी भावना स्वाभिमानी शेतकरी संघटनेचे संस्थापक अध्यक्ष राजू शेट्टी (Raju Shetti) यांनी येथे आयाेजिलेल्या पत्रकार परिषदेत व्यक्त केली. (Raju Shetti Latest Marathi News)

राजू शेट्टी म्हणाले ऊस तोडणीच्या नावाखाली खर्च दाखवणाऱ्या तसेच रिकव्हरी चोरून उसाच्या वजनात काटामारी केली जाते. साखर कारखानदारांच्या उधळपट्टीला शेतकऱ्यांची मूकसंमती असेल, तर उसाला (sugarcane) दर कसा मिळणार? असा सवाल शेट्टींनी केला. (Maharashtra News)

मुख्यमंत्री एकनाथ शिंदे यांनी ज्या तत्परतेने अन्य घटकांना रात्रीत निर्णय घेऊन मदत जाहीर केली. तीच तत्परता मुख्यमंत्री एकनाथ शिंदे (eknath shinde) यांनी शेतक-यांबद्दल दाखविली असती तर त्यांच्याबाबत आम्हांला निश्चितच आदर वाटला असता असे शेट्टींनी नमूद केले. (Breaking Marathi News)

Edited By : Siddharth Latkar