स्थानिकांच्या रोजगारासाठी मनसेच्या राजू उंबरकरांनी कंपनीत धडक देत दिला अल्टीमेटम

वणी विभागात सामान्य माणसाच्या रोजगारावर मुजोर कंपनी धारकांकडून कुऱ्हाड मारली जात आहे. स्थानिक युवकांना कंपनीच्या कामावरून काढून टाकले जात आहे.
स्थानिकांच्या रोजगारासाठी मनसेच्या राजू उंबरकरांनी कंपनीत धडक देत दिला अल्टीमेटम
स्थानिकांच्या रोजगारासाठी मनसेच्या राजू उंबरकरांनी कंपनीत धडक देत दिला अल्टीमेटमसंजय राठोड

संजय राठोड, यवतमाळ

यवतमाळ: वणी विभागात सामान्य माणसाच्या रोजगारावर मुजोर कंपनी धारकांकडून कुऱ्हाड मारली जात आहे. स्थानिक युवकांना कंपनीच्या कामावरून काढून टाकले जात आहे. या संपूर्ण घटनाक्रमाच्या संदर्भात मनसेचे राज्य उपाध्यक्ष राजू उंबरकर यांच्याकडे स्थानिक बेरोजगार युवकांनी आपली व्यथा मांडली. (Raju Umbarkar of MNS gave an ultimatum to the company for the employment of the locals)

हे देखील पहा -

स्थानिक युवकांनी रोजगार मिळवून देण्याची मागणी मनसेचे नेते राजू उंबरकर यांच्याकडे केली, तेव्हा राजू उंबरकर यांनी थेट कंपनीमध्ये चाल करून गौरव कंस्ट्रक्शन कंपनीच्या व्यवस्थापकाला चांगलेच धारेवर धरले. यावेळी मनसे स्टाईलने न्याय मिळवून देण्याची भाषा राजू उंबरकरांनी केली. वणी विभागात मोठ्या प्रमाणात गौण खनिजाचा मोठा साठा असताना आणि तितक्याच मोठ्या प्रमाणात गौण खनिजाचे उत्खननही चालू आहे. मात्र हजारो बेरोजगार युवकांच्या हाताला इथे काम मिळत नाहीय. सदरच्या कंपनीमध्ये स्थानिक बेरोजगारांना डावलून इतरत्र युवकांना काम दिल्या जात आहे आणि स्थानिकांना जाणीवपूर्वक डावलल्या जात आहे असा स्थानिक बेरोजगारांचा आरोप आरोप आहे.

स्थानिकांच्या रोजगारासाठी मनसेच्या राजू उंबरकरांनी कंपनीत धडक देत दिला अल्टीमेटम
सावधान! प्रथम ऑनलाइन मैत्री, नंतर न्यूड फोटो; नागपूरसह देशभरात टोळी सक्रिय

हा प्रश्न वणी विभागात दिवसागणिक गंभीर होत चालला आहे. म्हणून स्थानिक भूमिपुत्रांना रोजगार देण्याकरिता राजू उंबरकर यांनी सदर कंपनीमध्ये धडक देऊन निवेदन दिले व येत्या आठ दिवसात स्थानिकांना सामावून न घेतल्यास मनसे स्टाईल आंदोलन छेडू असा इशाराही दिला.

Edited By - Akshay Baisane

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com