चंद्रपूर : चंद्रपूरहून हैद्राबादकडे जाणारा महामार्ग बंद झाला आहे. या आंतरराज्यीय महामार्गावर लक्कडकोटजवळील नाल्याला पूर आल्याने हा मार्ग बंद झाला आहे. काल रात्रीपासून सुरू असलेल्या पावसाचा फटका राजुरा शहराला बसला असून संपूर्ण शहर जलमय झाले आहे. पुराचे पाणी महामार्गावर आल्याने राजुरा ते गडचांदूर मार्ग वाहतुकीसाठी बंद झाला आहे.
हे देखील पहा -
चंद्रपुरातील रामपूर-गोवरी मार्गावरही पाणी आल्याने हा मार्ग सुद्धा ठप्प झाला आहे. पोलीस व महसूल प्रशासन या परिस्थितीवर लक्ष ठेवून आहे. मुसळधार पावसामुळे जनजीवन पूर्णतः विस्कळीत झाले असून राजुरा शहरातील आमराई वार्ड, साईनगर, रामपूर आदी भागात पाणी साचले आहे. गडचांदूर मार्गावरील भवानी माता मंदिरजवळील नाल्यावरून पाणी वाहत असल्याने वाहतूक खोळंबली आहे.
राजुरा शहरातील रामपूर भागात अनेक दुकाने पाण्याखाली गेल्याने व्यावसायिकांचे मोठे नुकसान झाले आहे. आणखी पावसाची शक्यता असल्याने पोलीस व महसूल प्रशासन योग्य ती खबरदारी घेत आहे. वाहतुकीत फसलेल्या सर्व सामान्य जनतेचे मात्र चांगलेच बेहाल झाले असल्याचे चित्र पाहावयास मिळत आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.