घोडेबाजार शब्दावर अपक्ष आमदार संतापला; प्रतिमा खराब होत असल्याने तक्रार करणार

दोन्ही बाजूंनी एकमेकांवर घोडेबाजार करत असल्याचा आरोप देखील केला जात आहे
घोडेबाजार शब्दावर अपक्ष आमदार संतापला; प्रतिमा खराब होत असल्याने तक्रार करणार
Prashant JorgewarSaam Tv

चंद्रपूर : राज्यात सध्या राज्यसभेच्या निवडणुकीवरून (Rajya Sabha Election) राजकीय वातावरण चांगलंच तापलं आहे. निवडणूक बिनविरोध होणार असल्याचं स्पष्ट होताच सत्ताधारी (Mahavikas Aghadi) आणि विरोधकांकडून (BJP) राज्यसभेची सहावी जागा जिंकण्यासाठी दोन्ही बाजूंनी ताकद लावली जात आहे. इतकंच नाही तर, दोन्ही बाजूंनी एकमेकांवर घोडेबाजार करत असल्याचा आरोप देखील केला जात आहे. अशातच 'घोडेबाजार' या शब्दावर चंद्रपूरचे अपक्ष आमदार किशोर जोरगेवार (Prashant Jorgewar) यांनी प्रचंड नाराजी व्यक्त केली आहे. (Rajya Sabha Election 2022 latest News)

Prashant Jorgewar
राज्यसभा निवडणूक: भाजपचे आमदार फुटणार?, काँग्रेस नेत्याच्या वक्तव्यामुळं चर्चेला उधाण

'घोडेबाजार' हा शब्द नेत्यांकडून वारंवार वापरला गेल्यास अपक्ष आमदारांना "वेगळा विचार करावा लागेल", असा इशाराही त्यांनी दिला आहे. अपक्ष आणि छोट्या पक्षांच्या बाबतीत अशी शंका घेणे चूक-महापाप असून, घोडेबाजार हा शब्द वापरल्याने मतदारसंघात आमची प्रतिमा खराब होते, असे किशोर जोरगेवार यांनी म्हटलं आहे.

दरम्यान, याबाबत मुख्यमंत्री आणि विधानसभा उपाध्यक्ष यांच्याकडे तक्रार करणार असल्याची माहिती देखील जोरगेवार यांनी दिली. शिवसेनेचे काही नेतेही या शब्दाचा वारंवार उल्लेख करीत आहेत. विशेष म्हणजे किशोर जोरगेवार यांनी शिवसेना उमेदवार संजय पवार यांच्या उमेदवारी अर्जावर अनुमोदक म्हणून स्वाक्षरी केली आहे.

Prashant Jorgewar
राज्यात पुन्हा मास्क अत्यावश्यक, पण...; आरोग्य मंत्री राजेश टोपे काय म्हणाले?

दरम्यान, विधानसभेतील संख्याबळानुसार महाविकास आघाडीला चौथा उमेदवार निवडून आणण्याकरिता 15 तर भाजपला 20 मतांची आवश्यकता आहे. छोटे पक्ष व अपक्ष अशा 29 मतांवर शिवसेना व भाजपची भिस्त असेल. यातूनच ‘घोडेबाजार’ म्हणजेच आमदारांना वश करण्याचे प्रयत्न सुरू झाले आहेत. यातूनच भाजप की शिवसेनेचा अतिरिक्त उमेदवार पराभूत होतो वा काँग्रेसला फटका बसतो याची उत्सुकता असेल.

विधानसभेतील संख्याबळाच्या आधारे शिवसेना 55, राष्ट्रवादी 53 आणि काँग्रेस 44 अशी महाविकास आघाडीतील तीन घटक पक्षांची 152 मते आहेत. भाजपचे 106 आमदार आहेत. अपक्ष आणि छोट्या पक्षांचे 29 आमदार आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com