सांगली: निसर्गाशी असलेले माणसाचे अनोखे नाते स्पष्ट करताना झाडांना राखी (Rakhi) बांधून सांगलीच्या इस्लामपूरमधील (Islampur) मुक्तांगण शाळेच्या चिमुकल्यांनी अनोखी रक्षाबंधन साजरी केली आहे. "झाड आपलं रक्षण करते, आपणाला खाऊ देते, सावली देते आाता आपणही झाडांचे रक्षण करू" या भावनेने नात्याची जाणीव ठेवत चिमुकल्यांनी शाळेच्या परिसरातील झाडांना राखी बांधून अनोखी रक्षाबंधन साजरी केली आहे. (Raksha Bandhan With Trees)
हे देखील पाहा -
भारतीय संस्कृतीत महत्वाचा मानला जात असलेला राखी पौर्णिमेचा सण देशात मोठ्या उत्साहाने साजरा केला जातो. याचेच औचित्य साधून झाडांना राखी बांधून सणांचे महत्व पटवून देण्यात आले. या सर्व राख्या टाकाऊ वस्तूंपासून मुलांनी पालकांच्या मदतीने तयार केल्या आहेत. यातील काही राख्या झाडांना बांधण्यात आल्या. झाड आपणाला आक्सिजन, सावली, फळे, फुले देते पण तोच खरा माणसाचा आधार आहे. याची जाणीव ठेऊन आम्ही झाडालाच भाऊ समजून राखी बांधली असं या चिमुकल्या विद्यार्थ्यांनी सांगितलं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.