पाठीतला खंजीर काढा अन् हिम्मत असेल तर सरकार पाडा; आठवलेंचे पटाेलेंना आव्हान

नांदेड : हिम्मत असेल तर काॅंग्रेसने (congress) मविआचा (mva) पाठींबा काढून घ्यावा असे आव्हान आरपीआयचे नेते केंद्रीय मंत्री रामदास आठवले (ramdas athavale) यांनी काॅंग्रेस प्रदेशाध्यक्ष नाना पटाेलेंना (nana patole) दिले आहे. जर तुमच्या पाठीत एनसीपीने खंजीर खूपसला आहे. अजूनही खंजीर तुमच्या पाठीत असेल तर तुम्ही रक्तबंबाळ बसण्यापेक्षा सरकारला दणका द्या असे आठवलेंनी पटाेलेंना आवाहन केले. दरम्यान उद्धव ठाकरेंनी (uddhav thackeray) बॅक टू पॅव्हेलियन (भाजप समवेत) यावे असे आवाहन केले. हे आवाहन करतानाच आठवलेंनी यंदा मुंबई महापालिका निवडणुकीत शिवसेनेला हरवायचे हेच आमचे टार्गेट आहे असे नमूद केले. रामदास आठवले आज नांदेड (nanded) जिल्हा दाै-यावर आले आहेत. माध्यमांशी बाेलताना त्यांना विविध विषयांवर चर्चा देखील केली. (ramdas athavale latest marathi news)

आठवले म्हणाले पटाेले धाडसी आहेत. त्यांनी सरकार विराेधात भुमिका घेतल्यास हे मविआचे सरकार पडेल. त्यानंतर आम्ही सरकार बनवू असे आठवलेंनी नमूद केले. ते म्हणाले आमच्याकडे ११७ आमदार आहेत. आम्ही देवेंद्र फडणवीस (devendra fadnavis) यांच्या नेतृत्वाखाली सरकार बनविले जाईल. गत पाच वर्षात फडणवीस यांनी सर्वांना बराेबर घेवून कामकाज केले. मुख्यमंत्री उद्धव ठाकरे हा माणूस चांगला आहे मात्र काॅंग्रेस आणि राष्ट्रवादीच्या चक्रात अडकला आहे. मुख्यमंत्री उद्धव ठाकरे यांनी बॅक टू पॅव्हिलियन (भाजप समवेत) यावे असे मत आठवलेंनी व्यक्त केले.

दरम्यान मुंबईत महापालिका निवडणुकीत शिवसेनेला हरवायचे हेच आमचे माेठे टार्गेट आहे. आरपीआय मुंबई पालिकेत सेनेला चांगली टक्कर देईल असेही आठवलेंनी नमूद केले. ते म्हणाले आम्ही भाजप साेबत आहाेत. आम्हांला मुंबईत माेठे यश मिळेल अशी अपेक्षा आहे असेही आठवलेंनी नमूद केले.

Edited By : Siddharth Latkar