- जितेश काेळी, सचिन कदम
मुख्यमंत्री एकनाथ शिंदे गटाचे आमदार योगेश कदम यांच्या गाडीला काल रात्री टँकरने ठोकर देऊन झालेला अपघात (MLA Yogesh Kadam Accident News) आता संशयाच्या भोवऱ्यात सापडला आहे. माजी पर्यावरण मंत्री रामदास कदम यांनी रायगडचे जिल्हा पोलिस अधीक्षक यांच्याकडे घटनेच्या सखोल चौकशीची मागणी केली आहे. (Maharashtra News)
आमदार योगेश कदम यांच्या गाडीच्या पुढे व पाठीमागे पोलिसांचे वाहन असतानाही टँकरने पोलीस गाडीला ओव्हरटेक करून आमदारांच्या गाडीला पाठीमागून ठोकरले कसे, हा सर्व प्रकार संशयास्पद वाटताे. या अपघाताची सखोल चौकशी होणे गरजेचे आहे, असे रामदास कदम (ramdas kadam) यांनी म्हटले आहे.
या अपघातानंतर टँकर चालकाने घटनास्थळावरून पळ काढला आहे. तो अद्याप फरार आहे, त्यामुळेच हा अपघात (accident) नव्हे तर घातपात वाटत आहे असा संशय रामदास कदम यांनी व्यक्त केला आहे. त्यामुळे या घटनेची कसून चाैकशी व्हावी अशी मागणी त्यांनी पाेलिस विभागास केली आहे. दरम्यान आमदार याेगेश कदम यांनी देखील साम टीव्हीशी बाेलताना या घटनेची चाैकशी झाली पाहिजे असे नमूद केले.
अपघाताचा सर्व बाजुन तपास करणार : रायगड पोलिस अधिक्षक
आमदार योगेश कदम यांच्या अपघातग्रस्त वाहनाचा आणि घटनास्थळाची रायगडचे पोलिस अधिक्षक सोमनाथ घार्गे यांनी आज पहाणी केली. यानंतर पत्रकारांशी बोलताना घार्गे यांनी या अपघाताचा सर्व बाजुने तपास केला जाणार असल्याचे सांगितले. अपघातग्रस्त डंपरचा चालक फरार असला तरी डंपरच्या मालकाकडे चौकशी सुरु केली आहे असेही पोलिस अधिक्षक घार्गे यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.