नागपूर : अमरावतीचे खासदार नवनीत राणा (Navneet Rana)आणि पती रवी राणा आज नागपूर येथील रामनगर येथील मंदिरात हनुमान चालीसा आणि आरतीचे पठण केले. आजच राष्ट्रवादी काँग्रेसनेही (NCP) त्याच ठिकाणी हनुमान चालीसाचे पठण केले. राष्ट्रवादी काँग्रेसचे महागाई विरोधात आज आंदोलन होते. दोन्ही चालीसा पठणाला आज पोलिसांनी परवानगी दिली होती. (Navneet Rana Latest News)
मुख्यमंत्री उद्धव ठाकरे राज्यात शनी म्हणून बसले आहेत, या शनीची पीडा दूर व्हावी म्हणून आम्ही हनुमान चालीसा पठण करत आहे. मुख्यमंत्र्यांनी राज्यातील आणि विदर्भातील समस्यांशी काही घेणेदेणे नाही. राज्यातील असंख्य समस्या दूर व्हाव्यात म्हणून आम्ही हनुमान चालीसा पठण करत आहे. या सरकारला हनुमान चालीसा पठणाची इतकी ऍलर्जी का हा प्रश्न आहे, असंही राणा म्हणाले.
हे देखील पाहा
राणा दाम्पत्याने विमानतळ ते रामनगरपर्यंत बाइक रॅलीसाठी परवानगी मागितली होती, ती पोलिसांनी फेटाळून लावली. त्याचबरोबर हनुमान चालीसाला (Hanuman Chalisa) अटींसह परवानगी देण्यात आली. कोणताही अनुचित प्रकार घडला तर त्याला राणा दाम्पत्य जबाबदार असेल, अशीही अट घालण्यात आली होती.
राणा दाम्पत्यांनी नागपूर विमानतळावरुन येत मंदिरात हनुमान चालिसाचे पठण केले. विमानतळ ते मंदिर राणा दाम्पत्याने रॅली काढली. यावेळी राणा यांचे कार्यकर्ते उपस्थित होते. यावळे राणा दाम्पत्यानी महाविकास आघाडी सरकारवर टीका केली.
या दोन्ही पठणाला लाऊडस्पीकरचा वापर करू देणार नसल्याचे पोलिस आयुक्तांनी स्पष्ट केले होते. राष्ट्रवादी काँग्रेसचे शहराध्यक्ष दुनेश्वर पेठे यांनी शुक्रवारी प्रसारमाध्यमांशी संवाद साधताना सांगितले की, सुमारे एक हजार कार्यकर्ते रामनगर येथील मंदिरात बारा वाजण्याच्या सुमारास जमून हनुमान चालीसाचे पठण केले. राणा दाम्पत्याने पुस्तकाशिवाय हनुमान चालीसा पठण करण्याचे आव्हाण त्यांनी केले होते. (Navneet Rana Latest News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.