पेय जल योजनेच्या पुर्ततेसाठी राष्ट्र विकास सेना आक्रमक; सावळजला छेडलं आंदाेलन

सांगली : सांगली (sangli) जिल्ह्यातील तासगाव (tasgoan) तालुक्यातील सावळज येथील गावातील राष्ट्रीय ग्रामीण पेय जल योजनेसाठी अडीच कोटी रुपये मंजूर असून देखील सार्वजनिक नळ पाणी (water) पुरवठा योजनेचे अर्धवट राहिलेले काम तात्काळ पूर्ण करा या मागणीसाठी आज (शुक्रवार) राष्ट्र विकास सेना पक्षाच्या वतीने सावळज गावच्या पाण्याच्या टाकीवर चढून अर्धनग्न (शोले स्टाईल) आंदोलन करण्यात आले. (sangli latest marathi news)

या पाणी पूरवठा याेजनेचे काम लवकरात लवकर पुर्ण करावे या मागणीचे निवेदन सांगली जिल्हा मुख्य कार्यकारी अधिकारी जितेंद्र डुड्डी यांना देऊनही त्यावर कोणतीच कार्यवाही न झाल्याने राष्ट्र विकास सेना पक्षाने आंदाेलन केले.

राष्ट्र विकास सेनेचे पदाधिकारी म्हणाले सावळज गावची मोठी लोकसंख्या असुन गावचे राष्ट्रीय पेयजल योजनेचे काम आठ वर्षे रखडलेले आहे. गावात पाणी चार ते आठ दिवसाकाठी येते. ही योजना तात्काळ पूर्ण करा अन्यथा आगामी काळात तीव्र आंदोलन छेडले जाईल असा इशारा देखील आंदाेलकांनी प्रशासनास दिला.

Edited By : Siddharth Latkar