Ratnagiri News: भरणे नाका येथे घरात आढळले ८३ जिवंत गावठी बॉम्ब

जितेश कोळी

रत्नागिरी : रत्नागिरी जिल्ह्यातील खेड तालुक्यात भरणे नाका येथे एका (Ratnagiri News) व्यक्तीच्या घरामध्ये तब्बल ८३ जीवंत गावठी बॉम्ब सापडल्याने खळबळ उडाली आहे. या प्रकरणी खेड पोलिसांनी एका संशयिताला चौकशीसाठी ताब्यात घेतले असून ही कारवाई गुरूवारी सायंकाळी उशिरा खेड (Police) पोलिसांच्या पथकाने केली आहे. (Live Marathi News)

पोलिसांना मिळालेल्या गुप्त माहितीच्या आधारे पोलिसांनी भरणे नाका येथील एका संशयिताच्या घरी पोलिसांनी छापा मारला असता हा गावठी बॉम्बचा साठा मिळून आला आहे. या गावठी बॉम्बचा वापर हा वन्यप्रण्यांच्या शिकारीसाठी केला जात असल्याचे पोलिसांकडून सांगण्यात आले आहे. खेडचे प्रभारी पोलीस निरीक्षक सुजित गडदे यांच्या मार्गदर्शनाखाली खेड पोलिसांच्या पथकाने ही कारवाई केली आहे.

गुन्‍हा दाखल

या प्रकरणी खेड पोलीस स्थानकामध्ये रात्री उशिरा गुन्हा नोंदण्यात आला. दरम्यान एवढ्या मोठ्या प्रमाणात गावठी बॉम्बचा साठा मिळून आल्याने एकच खळबळ उडाली आहे. पोलिसांनी एका संशयिताला ताब्यात घेतले आहे.