बुलडाणा (buldhana) : शेतक-यांचे शाेषण करणा-यांना स्वाभिमानी शेतकरी संघटना धडा शिकवेल असा इशारा संघटनेचे नेते रवीकांत तुपकर यांनी दिला. सोलापूर जिल्ह्यातील करमाळा येथील मकाई साखर कारखाना येथे स्वाभिमानीचे काही कार्यकर्ते व शेतकरी एफआरपीचे पैसे मागण्यांसाठी गेले हाेताे. त्यावेळी साखर कारखान्याचे अध्यक्ष दिग्विजय बागल यांनी संबंधितांना मारहाण केल्याचा प्रकार घडला. यावर रविकांत तुपकर (ravikant tupkar) यांनी दिग्विजय बागल (digvijay bagal) यांना इतक्या मस्तीत वागू नका असा इशारा दिला आहे.
तुपकर म्हणाले त्यांच्या साखर कारखान्याला गाळप करण्याचा परवाना नाही. तरी बेकायदेशीर गाळप सुरू आहे. मागील वर्षी शेतक-यांचे एफआरपीचे (frp) साडेसहा कोटी रुपये त्यांनी बुडविले आहेत. शेतकरी त्यांच्या घामाचा पैसा मागण्यासाठी गेले हाेते. तेथे त्यांच्यावर हात उचलण्यात आला. उदयाच मी सोलापूर जिल्ह्यात जात आहे. दिग्विजय बागलची मस्ती उतरविणार असून शेतकऱ्यावर हात उचलणाऱ्याचे हात कलम करू असा इशारा तुपकारांनी यावेळी दिला.
देशातील नामचिन गुंडांना कायद्याचा धाक दाखविण्यात आला आहे. तुम्ही नियमबाह्य वागत असून शेतक-यांना लुबाडत आहात. तुमचा माज आणि मस्ती स्वाभिमानी शेतकरी संघटना खपवून घेणार नाही असा इशारा तुपकारांनी बागल यांना दिला.
edited by : siddharth latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
