धक्कादायक : विवाहितेचा मृत्यू, अंगावरती मारहाणीचे व्रण; पतीसह सासरची मंडळी फरार

बुलढाणा : गळफास लागलेल्या स्थितीत खामगाव येथील एका विवाहितेला खाजगी रुग्णालयात दाखल करण्यात आले असता उपचारादरम्यान रात्री त्या विवाहित महिलेचा मृत्यू झाला आहे. मात्र सदर मृत महिलेच्या अंगावरती मारहाण झाल्याचे व्रण आढळून आल्याने विवाहितेची सासरकडील लोकांनी तिची हत्या केली असल्याचा आरोप मृतक महिलेच्या माहेरच्या नातेवाईकांनी केला आहे. या प्रकरणी खामगाव पोलिसात (Khamgaon Police) पतीसह पाच जणांविरुध्द गुन्हा (Crime) दाखल करण्यात आला असून सर्व आरोपी सध्या फरार आहेत.

हे देखील पहा -

श्रध्दा गजानन वैतकार वय 24 राहणार गोपाळनगर, खामगाव असे मृत विवाहितेची नाव असून सदर विवाहितेला सासरकडील मंडळी कार घेण्यासाठी माहेरुन 2 लाख आणण्याचा तगादा लावला होता. आणि त्यासाठी पतीसह सासरच्या मंडळींकडून मृत श्रद्धा यांचा शारिरीक व मानसिक छळ सुरु होता.

दरम्यान सदर विवाहितेता हि राहत्या घरात गळफास घेतलेल्या स्थितीत आढळून आली. तिला नातेवाईकांनी एका खाजगी हॉस्पिटलमध्ये (Private Hospital) भरती केले. दरम्यान उपचार सुरु असतांना रात्री तिचा मृत्यू झाला, याबाबत मृतक विवाहितेचे वडिल भानुदास मोतीराम काळींगे (55) रा. खंडाळा बाळापूर यांनी आज शिवाजी नगर पोलिस स्टेशनमध्ये तक्रार दिली आहे. त्यावरून पोलिसांनी विवाहितेचा पती गजानन रामदास वैतकार, सासरा रामदास वैतकार, सासू उषा बैतकार, नणंद दीपा प्रभाकर पातोंड व प्रभाकर पातोंड यांचेविरुध्द कलम 498 अ 304, 323,504.34 अंतर्गत गुन्हा दाखल केला आहे.

Edited By - Jagdish Patil