परभणी: जिंतूर तालुक्यातील येलदरी रोडवरील केहाळ फाट्यावर एक दुर्देवी अपघात (Accident) झाला आहे. एका अज्ञात वाहनाने दिलेल्या धडकेत दुचाकीवरील एक १३ वर्षीय मुलगा ठार झाला आहे तर दोन जण जखमी झाले आहे. ही घटना काल सायंकाळच्या सुमारास घडली. जिंतूर (Parbhani) तालुक्यातील माणकेश्वर येथील रहिवासी असलेले तिघे जण दुचाकीवरुन येलदरी येथे कामा निमित्त जात असताना केहाळ फाट्यावर अज्ञात वाहनाने समोरुनच दुचाकीला धडक दिली. (Parbhani Accident News)
यामध्ये दुचाकीवरील विठ्ठल पापनकर (वय 13 वर्ष, रा. हिंगोली) या लहानग्याचा जागेवरच मृत्यू झाला. तर, दुचाकीवरील नागनाथ चव्हाण (रा.माणकेश्वर ता जिंतूर) गंभीर जखमी झाले असून लहान मुलगा गोपाळ जाधव रा. हिंगोली हा किरकोळ जखमी झाला आहे. या अपघाताची माहीती मिळताच जिंतूर ग्रामीण रुग्णालयात तिघांनाही उपचारासाठी दाखल केले. यावेळी डॉक्टरांनी तपासणी करुन एकास मृत घोषित केले. तर गंभीर जखमीवर प्राथमिक उपचार करुन पुढील उपचारासाठी जिल्हा रुग्णालयात पाठवण्यात आले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.