बीड - शहरात पुन्हा एकदा कोरोना (Corona) नियमांना हरताळ फासत, लहान मुलं-महिलांसह शेकडोंच्या उपस्थितीत शाही पार्टीची दावत करण्यात आली आहे. शहरातील आशीर्वाद लॉन्समध्ये पटेल कुटुंबियांकडून दावत देत या शाही पार्टीचे (Party) आयोजन करण्यात आले होते. या कार्यक्रमाला जेवढे लहान मुलं होते, तेवढ्याच प्रमाणात महिला पुरुषांची उपस्थिती होती. विशेष म्हणजे या शाही पार्टीला शहरातील अनेक लोकप्रतिनिधी, पुढारी आणि प्रतिष्ठित व्यक्ती देखील होते. तर यापैकी अनेकांच्या तोंडाला मास्क (mask) देखील नव्हते. (Latest Beed News)
हे देखील पहा -
तर यादरम्यान तहसील प्रशासनाची गाडी देखील आली होती. यामध्ये 3 पोलीस कर्मचारी, तलाठी आणि नगर पालिका कर्मचारी होते. मात्र आयोजक हे राजकीय असल्याने 1 हजार रुपये पावती फाडा, असं म्हणत आयोजकांनी अनेकांना फोन फिरवला आणि शेवटी दंडात्मक कारवाई करत, गाडीत आलेल्या कर्मचाऱ्यांनी काढता पाय घेतला.
एकीकडं राज्यात कोरोना आणि ओमिक्रॉनचे रुग्ण वाढत असल्याने, कडक निर्बंध लागू करण्यात आले आहेत. लग्नसमारंभाला केवळ 50 व्यक्तींची परवानगी आहे. त्यावर कोणी असेल तर प्रत्येक व्यक्तीला 500 रुपये फाईन आहे. मग या तहसीलदारांच्या गाडीत आलेल्या कर्मचाऱ्यांनी केवळ थातूरमातूर कारवाई कुणाच्या सांगण्यावरून केली? सामान्यांना एक न्याय आणि राजकीय वरदहस्त असणाऱ्या व्यक्तींना एक न्याय का? असा सवाल उपस्थित केला जात आहे. दंड भरा नावाला आणि संसर्ग करा सर्वाला जणू काही असाच नियम बीडमध्ये सुरु आहे का? असा सवाल देखील यानिमित्ताने उपस्थित केला जात आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.