Sada Sarvankar
Sada SarvankarSaam TV

Sada Sarvankar : बॅलेस्टिक तज्ज्ञांच्या अहवालातून सत्याचा उलगडा; सुटलेली ती गोळी सरवणकरांच्याच बंदुकीतली

आता सरवणकर आणखीन अडचणीत पडण्याची शक्यता आहे.

Sada Sarvankar : मुंबईतील प्रभादेवी येथे शिवसेनेच्या शिंदे आणि ठाकरे गटामध्ये काही महिन्यांपूर्वी गोळीबार झाल्याची घटना घडली होती. ही गोळी आमदार सदा सरवणकरांच्या बंदुकीतूनच सुटल्याची धक्कादायक माहिती समोर आली आहे. गोळीबार झाला तेव्हा घटनास्थळावरून जप्त केलेले काडतूस आणि सदा सरवणकरांच्या बंदुकीचे नमुने जुळल्याचे, बॅलेस्टिक तज्ज्ञांनी आपला अहवालात म्हटले आहे. यामुळे आता सरवणकर आणखीन अडचणीत पडण्याची शक्यता आहे. (Latest Sada Sarvankar News)

नेमकी घटना काय आहे?

सप्टेंबर महिन्यात गणेशोत्सवात विसर्जनावेळी प्रभादेवी येथे शिंदे आणि ठाकरे गट दोन्ही आमने सामने आले होते. यावेळी दोन्ही गटात चांगलीच हणामारी झाली. या घटनेनंतर १५ सप्टेंबर रोजी दादर पोलिसांनी दोन्ही गटांतील व्यक्तींवर गुन्हा दाखल करत अधिक तपास सुरू केला.

Sada Sarvankar
Amit Thackeray | 3 May रोजी अमित ठाकरेंच्या हस्ते प्रभादेवी मंदिरात महाआरती | Prabhadevi Temple

यावेळी दोन्ही गटातील कार्यकर्ते पोलिस स्टेशन आवारात उभे होते. सरवणकर देखील तिथेच होते. तेव्हा त्यांनी अचानक आपल्या बंदूकीने जमीनीवर गोळी झाडल्याची घटना घडली. याबाबत त्यांच्यावर कारवाई व्हावी ही मागणी जोर धरू लागली. अशात पोलिसांनी देखील सरवणकरांविरोधात आर्म्स अॅक्ट अंतर्गत गुन्हा दाखल केला होता.

Sada Sarvankar
Sada Sarvankar : मी गोळीबार केलेला नाही; मुंबईत शिंदे गट-शिवसेनेत विसर्जन मिरवणुकीदरम्यान राडा

यावेळी आपल्यावर केलेले आरोप चुकीचे असल्याचे सरवणकर म्हणत होते. मात्र दाखल तक्रारीनुसार कारवाई पुढे सुरू राहिली. यात त्यांच्याकडे परवाना असेलेली रिव्हॉल्व्हर जप्त करण्यात आली. तसेच तपासणीसाठी कलिना येथे पाठवण्यात आली.

तसेच पोलिसांनी सीसीटीव्ही फुटेजही चेक केले आहेत. सदर घटनेच आता बॅलेस्टिक अहवाल देखील समोर आल्याने ती गोळी सरवणकरांच्याच बंदुकीतून सुटल्याचे स्पष्ट समजत आहे. लवकरच पोलिस पुढील कारवाईस सुरूवात करत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com