Sambhaji Nagar: ऑनलाइन व्यवसायात कर्जबाजारी; व्यापाऱ्याने संपविले जीवन

नवनीत तापडीया

छत्रपती संभाजीनगर : ऑनलाइन व्यवसायात कर्जबाजारी झालेल्या देवगाव रंगारी येथील एका व्यापाऱ्याने हर्सूल तलावात उडी घेऊन आत्महत्या (Sambhajinagar) केल्याची घटना उघडकीस आली आहे. त्याच्या खिशात सापडलेल्या आधार कार्डवरून (Aadhar Card) याची ओळख पटली. (Latest Marathi News)

बाबासाहेब आमराव असे या व्यापाऱ्याचे नाव आहे. हर्सुल तलावात एका तरुणाचा मृतदेह तरंगत असल्याची माहिती पोलिसांना मिळली. यानंतर पोलिसांनी (Police) घटनास्थळी धाव घेत अग्निशामक दलाच्या मदतीने मृतदेहास बाहेर काढला. आधार कार्ड वरून हा तरुण आमराव असल्याचे समोर आले. यानंतर पोलिसांनी त्याच्या नातेवाईकांना फोन केला.

सतत होता तणावात

आमराव हा ऑनलाइन व्यवसाय करत होता. यातून तो कर्जबाजारी झाल्याने नेहमी तणावात राहत होता. तीन दिवसापूर्वी घरात कोणाला न सांगता तो निघून गेला असे नातेवाईकांनी सांगितले.