समर्थकांनी शिवसेना भवन समाेर लावलेल्या 'त्या' बॅनरनंतर संभाजीराजे छत्रपती म्हणाले...

मुंबई : संभाजीराजे छत्रपती यांच्या समर्थकांनी दादर येथील शिवसेना भवनसमोर (shivsena bhavan) 'गनिमी कावा वापरून छत्रपतींचा अपमानचा बदला घेणाऱ्या सर्व आमदारांचे आभार' असा मजकूर लिहिला बॅनर लावला आहे. त्याची जाेरदार चर्चा राजकीय वर्तुळात रंगली. दरम्यान या बॅनरबाबत युवराज संभाजीराजे छत्रपती (yuvraj sambhajiraje chhatrapati) यांनी ट्विट करुन समर्थकांच्या प्रेमाचा आदर करतो. मात्र राजकारणात येणार असलो तरी 'स्वराज्य'ला तत्वांची बैठक असेल अशी भावना व्यक्त केली आहे. (sabhajiraje latest marathi news)

राज्यसभा निवडणुकीत (RajyaSabha Election) भाजपचे उमेदवार विजयी झाले. त्यातच धनंजय महाडिक यांच्याकडून सेनेच्या संजय पवारा यांचा पराभव झाला. त्यामुळे शिवसेनेला (shivsena) आता मराठा संघटना आणि संभाजीराजे छत्रपतींचे समर्थक टार्गेट करु लागलेत. आज समर्थकांनी बॅनरबाजी करुन मुख्यमंत्र्यांना टोला लगावला आहे.

दरम्यान समर्थकांनी माझ्या प्रेमापोटी जे फ्लेक्स लावले, त्यांच्या प्रेमाचा मी आदरच करतो. मात्र कोणत्याही पक्षाला खुन्नस म्हणून त्यांच्या कार्यालयासमोर अशी काही कृती करणे, हे माझ्या तत्वात बसत नाही. राजकारणात येणार असलो तरी 'स्वराज्य'ला तत्वांची बैठक असेल अशी भावना संभाजीराजेंनी ट्विट करुन व्यक्त केली आहे.

Edited By : Siddharth Latkar