कोल्हापूरच्या २ पैलवानांमध्ये रंगतदार कुस्ती, मला आनंद आहे...: संभाजीराजे
Sambhaji Raje ChhatrapatiSaam Tv

कोल्हापूरच्या २ पैलवानांमध्ये रंगतदार कुस्ती, मला आनंद आहे...: संभाजीराजे

राज्यसभा निवडणुकीच्या निकालाची सर्वांनाच प्रतिक्षा लागली असताना छत्रपती संभाजीराजे यांनी जबरदस्त प्रतिक्रिया दिली आहे.

कोल्हापूर : गेल्या काही दिवसांपासून राजकीय पटलावर रणधुमाळी घालणाऱ्या राज्यसभेच्या निवडणुकीसाठी (Rajyasabha election) आज शुक्रवारी मतदानाची प्रक्रिया पूर्ण झाली. महाविकास आघाडीसह भारतीय जनता पक्षाने ही निवडणूक जिंकण्यासाठी प्रतिष्ठा पणाला लावली. आज दुपारी ३.३० वाजेपर्यंत विधानसभेच्या २८५ सदस्यांनी मतदान केले. त्यानंतर पाच वाजता मतमोजणीला सुरुवात होणार होती. परंतु, भाजपने (BJP) ऐनवेळी केंद्रीय निवडणूक आयोगाकडे धाव घेतल्यामुळे मतमोजणीला विलंब झाला आहे. दरम्यान, या निवडणुकीच्या निकालाची सर्वांनाच प्रतिक्षा लागली असताना छत्रपती संभाजीराजे (Sambhajiraje Chhatrapati) यांनी जबरदस्त प्रतिक्रिया दिली आहे.

 Sambhaji Raje Chhatrapati
मोठी बातमी ! आत्मसमर्पण केलेल्या नक्षलवादी युवक-युवतींना ITI मधून मिळणार व्यवसाय प्रशिक्षण

राज्यसभेच्या निवडणुकीत सहाव्या जागेसाठी छत्रपती संभाजीराजे यांच्या नावाची चर्चा राजकीय वर्तुळात तुफान रंगली होती. पण, मुख्यमंत्री उद्धव ठाकरे (Uddhav Thackeray) यांनी दिलेला शब्द पाळला नाही, त्यामुळे स्वाभिमान राखण्यासाठी संभाजीराजे यांनी निवडणूक न लढवण्याचा निर्णय घेतला. पण, आज निवणुकीचे मतदान पूर्ण झाल्यानंतर त्यांनी नाव न घेता शिवसेना आणि भाजप उमेदवारांबद्दल प्रतिक्रिया दिलीय.

शिवसेनेचे संजय पवार (Sanjay Pawar) आणि भाजपचे धनंजय महाडीक (Dhananjay mahadik) हे राज्यसभेच्या सहाव्या जागेसाठी आमने-सामने आहेत. त्यांच्यात चुरशीची लढत होणार असल्याच्या चर्चाही होत्या. मात्र, हे दोन्ही उमेदवार कोल्हापूरचेच असल्याने कुणीतरी एक कोल्हापुरचा खासदार होणार, याचा आनंद संभाजीराजे यांनी व्यक्त केला आहे. कोल्हापुरच्या दोन पैलवानांची कुस्ती रंगतदार सुरु आहे. मला आनंद आहे, कोल्हापुरचाच खासदार होणार, अशी प्रतिक्रिया संभाजीराजे यांनी दिली आहे.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com