सिंधुदुर्ग: मराठी अधिकाऱ्याला टार्गेट का करता? असा सवाल उपस्थित करत एका हिंदूला स्वतःची जात सिध्द करावी लागते हे उध्दवजींच्या नया महाराष्ट्रात शक्य आहे असा खोचक टोला आमदार नितेश राणेंनी मुख्यमंत्री उद्धव ठाकरेंना लगावला आहे. (Sameer Wankhede: Why do you target Marathi officials? - Question from Nitesh Rane)
हे देखील पहा -
नितेश राणे म्हणाले की, समीर वानखेडे चौकशीला सामोरे गेले, तुमचे अनिल देशमुख चौकशीसाठी गेले का? ते पळून गेले. तुमच्या भावना गवळी चौकशीला सामोरे गेल्या का? मराठी अधिकाऱ्याला टार्गेट का करता? शिवसेना मराठी माणसांची संघटना ना? मला आठवतं काँग्रेसच्या प्रतिभा पाटील या निव्वळ मराठी असल्यामुळे बाळासाहेबांनी पाठिंबा दिला होता. एवढे कडवट बाळासाहेब होते. तो कडवटपणा आजच्या उध्दवजींच्या शिवसेनेमध्ये का नाही?एका हिंदूला स्वतःची जात सिध्द करावी लागते हे उध्दवजींच्या नया महाराष्ट्रात शक्य आहे अशी कडवट टीका त्यांनी केली आहे. सुशांत सिंंह राजपूत प्रकरणी ते म्हणाले की, सुशांतसिंहचा जवळचा मित्र गणेश हिवरकर वारंवार टीव्हीवर सांगत होता. त्याला बाळासाहेब ट्रामा हॉस्पिटलमध्ये एका महाविकास आघाडीतील मंत्री भेटायला गेला आणि त्याला धमकावत होता. हे सगळं संभाषण त्याने मला आणि एका आमदार मित्राला ऐकवलं आहे. त्याचं सगळं संभाषण माझ्याकडे आहे. त्यामुळे प्रभाकर सारखं त्याचंही स्टेटमेंट खर माना. लोकांनी ती ऑडिओ क्लीप ऐकावी असं नितेश राणे म्हणाले.
मी युवा मंत्री म्हणतोय म्हणजे अर्ध्या जनतेला तो कोण मंत्री हे कळलं असेल. प्रभाकर साईलच्या चौकटीत तुम्ही गणेशला बसवाव. संजय राऊत म्हणाले इंटरवल पर्यंत नवाब मलिक त्यानंतर मी संजय राऊत बोलल्यानंतर क्लायमॅक्स नितेश राणे करणार असा इशारा आमदार नितेश राणेंनी दिला आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.