Samruddhi Mahamarg Accident: समृद्धी महामार्गावर अपघातांची मालिका सुरूच आहे. आज सायंकाळी नागपूर-मुंबई या समृद्धी महामार्गावर स्कॉर्पिओ गाडीचा भीषण अपघात झाला. या थरारक घटनेत स्कॉर्पिओ उलटून एक जण ठार झाला असल्याची माहिती आहे, तर दोन जण गंभीर जखमी झाले आहेत. जखमींनी उपचारासाठी जवळच्या शासकीय रुग्णालयात दाखल करण्यात आले आहे.
शुक्रवारी सायंकाळी नागपूरहुन मुबईच्या दिशेने जात असताना राजेवाडी शिवारात स्कॉर्पिओ अचानक उलटून हा अपघात झाल्याची माहिती समोर आली आहे. अमरसिंग सवकीलाल सिंग असे या अपघातात मृत्यू झालेल्या व्यक्तीचे नाव असून तो उत्तर प्रदेशमधील राहिवासी आहे. तसेच वीरेंद्र सिंग आणि राजे सिंग हे दोघे या अपघातात जखमी झाले आहेत.
अपघातानंतर स्थानिक पोलीस प्रशासनाने तात्काळ घटनास्थळी धाव घेऊन जखमींना शासकीय रुग्णालयात दाखल केले. यावेळी डॉक्टरांनी अमरसिंगला तपासून मृत घोषित केले. तसेच गंभीर जखमी असलेल्या दोघांवर उपचार सुरू असून या प्रकरणी पोलीस पुढील तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.