मनोज जैस्वाल, वाशिम
Washim News: समृद्धी महामार्गावर अपघाताची (Samruddhi Highway Accident) मालिका सुरुच आहे. वाशिमजवळ या महामार्गावर पुन्हा अपघाताची घटना घडली आहे. कार आणि ट्रकचा भीषण अपघात (Car And Truck Accident) झाला. या अपघातामध्ये 4 जण जखमी झाले आहेत. ही घटना शुक्रवारी संध्याकाळी सातच्या सुमास घडली.
मिळालेल्या माहितीनुसार, वाशिमच्या मालेगाव तालुक्यात रेगाव परिसरात ही घटना घडली. समृद्धी महामार्गावर भरधाव कारचा टायर अचानक फुटला. या कारने आयशर ट्रकला पाठीमागून जोरदार धडक दिली. या अपघातामध्ये कारमधील चौघे जण जखमी झालेत. जखमींवर नजीकच्या खासगी रुग्णालयात उपचार सुरु आहेत.
ही कार नागपूरवरुन मुंबईच्या दिशेने निघाली होती. याच दरम्यान ही घटना घडली. हा अपघात इतका भीषण होता की कारचा चक्काचूर झाला आहे. दरम्यान, शुक्रवारी सकाळी देखील समुद्री महामार्गावर वाशिमच्या कारंजा तालुक्यात अपघात झाला होता. कार चालकाला डुलकी लागल्यामुळे हा अपघात झाला होता. ही कार तुळजापूरवरुन नागपूरकडे जात होती. या अपघातामध्ये सात जण गंभीर जखमी झाले होते.
समृद्धी महामार्गावर शनिवारी सकाळी भीषण अपघात झाला. दोन ट्रकने एकमेकांना धडक दिली. अपघातानंतर दोन्ही ट्रकला भीषण आग लागली. ही आग इतकी भीषण होती की यात एक ट्रक जळून खाक झाला आहे. सुदैवाने यात कोणतीही जीवितहानी झालेली नाही. ट्रकचालक आणि सहकाऱ्यांना वाचवण्यात यश आले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
