अकोला : अकोल्यातील राष्ट्रीय महामार्ग क्रमांक सहावर मांडूळ सापाची तस्करी करणाऱ्या एकाला पोलिसांनी अटक केली आहे. दहशतवाद विरोधी पथकाला मिळालेल्या माहितीवरून पोलिसांनी सापळा रचून ही कारवाई केली. राष्ट्रीय महामार्ग क्रमांक सहावर बाळापुर जवळ काही इसम मांडूळ सापाची बेकायदेशीर पणे तस्करी करून खरेदी विक्रीचा व्यवहार करीत होते.
हे देखील पहा :
यासंदर्भात पोलिसांना सुगावा लागल्यानंतर पोलिसांनी त्या ठिकाणी छापा मारला असता काही जण घटनास्थळावरून पळून गेले. तर एकाला रंगेहाथ पकडण्यात पोलिसांना यश आले आहे. आरोपी अनिल बंडू देशमुख (वय 44) राहणार माटरगाव जिल्हा बुलढाणा यास अटक करण्यात आली आहे.
सदर आरोपीकडून 3 किलो 300 ग्राम वजनाचा मांडूळ जप्त करण्यात आला आहे. या मांडुळाची लांबी 43 इंच असून रूंदी व गोलाई 8 इंच आहे. तसेच या मांडुळाची अंदाजे किंमत 5 लाख रुपये असल्याचे पोलिसांनी सांगितले आहे. आरोपी विरुद्ध वन्यजीव प्राणी संरक्षण अधिनियम अंतर्गत पोलीस स्टेशन बाळापूर येथे गुन्हा नोंदवण्यात आला आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
