सांगली : घरफोडी करणाऱ्या दोन सराईत चोरट्यांना स्थानिक गुन्हे अन्वेषण शाखेच्या पथकाने गजाआड केले आहे. जिजा काळे आणि अनुशेठ भोसले अशी त्यांची नावे असून त्यांच्याकडून तब्बल 18 तोळे सोन्याचे दागिने, चांदीच्या वस्तू आणि रोकड असा तब्बल सहा लाख चोवीस हजाराचा ऐवज जप्त करण्यात आला आहे. तासगाव शहरात (Tasgoan City) सराईत गुन्हेगाराची हजेरी घेत असताना जिजा काळे यांच्याबद्दल माहिती मिळाली. तो कवठेएकंद येथे स्मशानभूमी जवळ सोन्याच्या पिशवीसह आढळून आला.
त्याच्याकडून कसून माहिती घेतली असता एका साथीदाराच्या सहाय्याने वेगवेगल्या ठिकाणी चोऱ्या केल्याची कबुली दिली. सांगली शहर (Sangali) पोलीस (Police) ठाण्याच्या हद्दीत सहा तर इस्लामपूर दोन, तासगाव एक आणि संजयनगर हद्दीत 2 अश्या अकरा चोऱ्या केल्याची कबुली दिली. पोलिसांनी या सर्व गुन्ह्यातील सोन्याचे दागिने पैसे जप्त केले आहेत. या सराईत चोरांना पकडण्यासाठी पोलिसांना थरारक पाठलाग करावा लागला आहे. यामध्ये एक पोलीस कर्मचारी जखमी सुद्धा झाला आहे. तर या दोन्ही चोरट्यांच्या साथीदारांना शोध सुरू असल्याचे पोलीस अधीक्षक यांनी सांगितले.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.