Sangali News: राष्ट्रवादी कॉंग्रेसचे प्रदेशाध्यक्ष जयंत पाटील यांना ईडीची नोटीस आल्याने खळबळ उडाली आहे. राज्याच्या सत्तासंघर्षाची सुनावणी होत असतानाच जयंत पाटील यांना ईडीकडून चौकशीसाठी हजर राहण्याचे आदेश देण्यात आले होते.
या ईडीच्या नोटीशीनंतर सांगली जिल्ह्यातील राष्ट्रवादी कॉंग्रेस कार्यकर्ते आक्रमक झाले असून कारवाईच्या निषेधार्थ डिजीटल बोर्ड लावण्यात आले आहेत. ज्यावर भाजप नेत्यावर इडीची कारवाई दाखवा आणि १ लाख रुपये मिळवा, अशी घोषणाही करण्यात आली आहे.
याबाबत अधिक माहिती अशी की, सांगली जिल्ह्याचे (Sangali News) राष्ट्रवादी काँग्रेसचे प्रदेशाध्यक्ष जयंत पाटील यांना ED ने नोटीस दिल्याने खळबळ उडाली आहे. या नोटीशीच्या निषेधार्थ जत राष्ट्रवादी (NCP) युवक कॉग्रेसने जतच्या एसटी स्टँड येथे चक्क डिजिटल बोर्ड लावले आहेत. (Latest Marathi News)
"भाजपच्या (BJP) नेत्यावर ईडीची कारवाई दाखवा आणि 1 लाख रुपये बक्षीस मिळवा," असा मजकुरचा बॅनरवर लावला आहे. जयंत पाटील यांना ईडीने पाठवलेल्या नोटीसचा जाहीर निषेध हा डिजिटल बोर्ड लावून केला आहे. राजकीय क्षेत्रात या डिजिटल बोर्डची चर्चा चांगलीच रंगली आहे.
आयएल अँड एफएस प्रकरणात पडताळणीसाठी ईडीने जयंत पाटील (Jayant Patil) यांना नोटीस बजावली आहे. आयएल अँड एफएस प्रकरणात एका व्यक्तीला अनेक कंत्राटं मिळाली होती. त्या व्यक्तीने अनेकांना कमिशन दिल्याचा ईडीला संशय आहे. या संशयाची पडताळणी करण्यासाठी जयंत पाटील यांना नोटीस बजावण्यात आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
