सांगलीतून अपघाताची एक घटना समोर आली आहे. सांगली जिल्ह्यात मिरज तालुक्यात पोलिसांच्या निर्भया पथकाच्या वाहनाचा अपघात झाला आहे. बेडग गावातील शाळांची तपासणी करून परत असताना निर्भया पथकाच्या वाहनाचा अपघात झाला आहे. या अपघातात तीन पोलीस किरकोळ जखमी झाले आहेत. (Latest Marathi News)
सांगली जिल्ह्यातील मिरज तालुक्यातील बेडग गावातील शाळांची तपासणी करून निर्भया पथकाचे पोलीस मिरजकडे जात होते. त्यावेळी एक दुचाकीस्वार आडवा आला, त्यावेळी बचाव करताना पोलीसांचं वाहन चालविणाऱ्या चालकाचं गाडीवरील नियंत्रण सुटलं. या अपघातात पोलीसाचं वाहन उलटल्याची घटना घडली आहे.
बेडग ते आडवा रस्त्यावरून चारचाकी वाहनाने निर्भया पथकाचे पोलीस मिरजकडे चालले होते. त्यावेळी एक दुचाकीस्वार आडवा आला. त्यावेळी पोलीस वाहन चालकाचा ताबा गाडीवरून सुटला. त्यानंतर निर्भया पथकाचं वाहन शेताच्या कडले उलटलं.
या अपघातात निर्भया पथकातील एएसआय संभाजी धेंडे, अजित कोळेकर, इरवंत येमलवाड जखमी झाले. तर या अपघातात दुचाकीस्वार महादेव रायप्पा देखील गंभीर जखमी झाला. त्याच्यावर मिरज शासकीय रुग्णालयात अतिदक्षता विभागात उपचार सुरू आहेत.
अपघातस्थळी दारूच्या बाटल्या आढळल्या आहेत. त्यामुळे दुचाकीस्वार मद्य प्राशन करून गाडी चालवत असल्याने अपघात झाला का, असा संशय व्यक्त केला जात आहे. याबाबत पोलीस अधिक तपास करीत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
