सांगली : तू सदाभाऊंच्यावर टिका करतोस, तुला मस्ती आली आहे असे म्हणत दमदाटी करुन मारुन टाकण्याची धमकी देणा-या सदाभाऊ खाेत यांचे चिरंजीव सागरसह अभिजित भांबुरे, सत्यजित कदम, स्वप्नील सूर्यवंशी यांच्यावर कासेगाव पाेलिसांनी गुन्हा दाखल केला आहे. स्वाभिमानीचे कार्यकर्ते रवीकिरण माने यांच्या तक्रारीनुसार हा गुन्हा crime दाखल झाला आहे. sangli-crime-news-police-booked-charged-on-sadabhau-khot-son-raju-shetti-sml80
मी स्वाभिमानी संघटनेच्या माध्यमातून माजी खासदार राजू शेट्टींचे विचार शेतक-यांपर्यंत पाेहचविताे. त्याचा राग मनात धरुन आणि मी रयत क्रांती संघटनेचे प्रमुख सदाभाऊ खाेत यांच्यावर शेतक-यांच्या फायद्यासाठी केलेल्या टीकेवरुन माझ्यावर हा प्रसंग आल्याचे माने यांनी सांगितले. चाैघांनी मला माझ्याच घरात घुसून चाकू, तलवार, गुप्ती अशा शस्त्रांसह लाथा बुक्क्यांनी मारहाण केली. मला शिवीगाळ करुन मारुन ठाण्याची धमकी दिली असेही माने यांनी नमूद केले. मी याबाबत पाेलिसांत तक्रार केल्यानंतर त्यांच्यावर गुन्हा दाखल झाला आहे.
संबंधितांना तातडीने अटक करावी अशी मागणी स्वाभिमानी शेतकरी संघटनेचे नेते महेश खराडे यांनी केली आहे. संबंधितांना अटक केली नाही तर मोठे आंदोलन करु असा इशारा खराडेंनी दिला आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.