सांगली : सांगली मिरज कुपवाड रोड गांधी चौकजवळ अल्पवयीन मुलाने चार चाकी गाडी भरधाव वेगाने चालवून पोलीस बॅरिकेटिंग उडवले. यात मिरज (Miraj) वाहतूक शाखेचे सहाय्यक पोलीस निरीक्षक भगवान पालवे हे जखमी झाले आहेत. मध्यरात्री हा प्रकार घडला आहे. (Live Marathi News)
चार चाकी वाहन भरधाव वेगात सांगलीहून मिरजेला येत असल्याची माहिती सांगली पोलिसांनी मिरज पोलिसांना दिली. ही खबर समजताच मिरज शहर पोलीस कुपवाड रोड गांधी चौक या ठिकाणी नाकाबंदी केली. तर गाडीचा पाठलाग सांगली शहर पोलिसांची गाडी करत होती. पोलिसांनी थांबण्याचा इशारा करून सुद्धा गाडी भरधाव वेगात मिरजेच्या दिशेने सुटली होती.
बॅरिकेटस्‌ लावूनही थांबला नाही
मिरज शहर पोलिसांनी बॅरिकेटिंग लावून सदर गाडी अडविण्याचा प्रयत्न केला. परंतु भरधाव वेगात असलेल्या कारने पोलीस बॅरिकेटिंग उडविले. यात सहाय्यक पोलीस निरीक्षक भगवान पालवे हे जखमी झाले. गाडीच्या नंबरवरून पोलिसांनी त्याचा मागोवा घेतला आणि गाडी अल्पवयीन तरुण चालवत असल्याची माहिती मिळाली. त्यानुसार महात्मा गांधी चौक पोलिसांनी गाडी ताब्यात घेतली असून याबाबत महात्मा गांधी चौक पोलिसात गुन्हा दाखल करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
