सातारा : राष्ट्रवादी काँग्रेसचे अध्यक्ष, खासदार शरद पवार आज कराड येथील सदगुरु गाडगे महाराज महाविद्यालयात एका कार्यक्रमानिमित्त उपस्थित होते. कार्यक्रमात मान्यवरांनी भाषणात कर्मवीर भाऊराव पाटलांच्या आठवणींना उजाळा दिला. त्यावेळी शरद पवार भावुक झालेले पाहायला मिळाले. कार्यक्रमाला खासदार श्रीनिवास पाटील यांचीही उपस्थिती होती.
महाविद्यालयात बांधण्यात आलेल्या शताब्दी इमारतीच्या उद्घाटन आज करण्यात आले. या कार्यक्रमावेळी डॉ. अनिल पाटील यांनी सद्गुरू गाडगे महाराज महाविद्यालय उभं करताना कर्मवीर भाऊराव पाटील यांनी कशाप्रकारे मदत केली हे सांगितलं. (Latest News Update)
चेअरमन अनिल पाटील हे रयत शिक्षण संस्थेची माहिती देत होते. रयत शिक्षण संस्थेचं कामकाज, आजवर केलेली कामं, पवारांचं योगदान; याबद्दल बोलत पाटील बोलत होते.
पुण्यातील शेतकरी आणि नागरिकांनी कशी मदत केली याचा किस्साही त्यांनी सांगितला. यावेळी व्यासपीठावर उपस्थित असलेल्या शरद पवार यांचे डोळे पाणावले. शरद पवार यांना गहिवरुन आल्याचं पाहून उपस्थितही स्तब्ध झाले.
शरद पवार यांनी कार्यक्रमादरम्यान केंद्र सरकारवरही निशाणा साधला. केंद्र सरकारकडून केंद्रीय तपास यंत्रणांचा गैरवापर होत आहे. मनीष सिसोदिया यांच्यावर झालेली कारवाई अन्यायकारक असल्याचं शरद पवार यांनी म्हटलं.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
