Satara Police News: दुचाकी, चारचाकी वाहने चोरणारी आंतरराज्यीय टोळी जेरबंद, सातारा गुन्हे शाखेची मोठी कारवाई; तब्बल 1 कोटी 18 लाखाचा मुद्देमाल जप्त

Local Crime Branch of Satara Police Force: या चोरट्यांकडून विविध कंपनींच्या 10 आधुनिक गाड्या जप्त केल्या आहेत.
Satara Local Crime Branch
Satara Local Crime BranchSaamtv

ओंकार कदम, प्रतिनिधी...

Satara Police News: सातारा (Satara) पोलीस दलातील स्थानिक गुन्हे शाखेने दुचाकी आणि चार चाकी गाड्या चोरी करणारी आंतर राज्यीय टोळी जेरबंद केली आहे. या आरोपींकडून 10 चार चाकी वाहने आणि 8 दुचाकी असा एकूण 1 कोटी 18 लाख 20 हजाराचा मुद्देमाल पोलिसांनी जप्त केला आहे. तसेच या आरोपींनी बहुतांशी वाहने ही उत्तर प्रदेशहून चोरी केल्याचेही चौकशीत समोर आले आहे. (Latest Marathi News)

Satara Local Crime Branch
Beed Child Marriage: दुपारी थांबवले पण सायंकाळी थाटामाटात लागले लग्न; बीड जिल्ह्यात बालविवाहाला तालुका प्रशासनाचे पाठबळ?

याबाबत अधिक माहिती अशी की, सातारा स्थानिक गुन्हे शाखेने दुचाकी आणि चार चाकी गाड्या चोरी करणाऱ्या टोळीला ताब्यात घेतले आहे. उत्तर प्रदेश (UttarPradesh), दिल्ली (Delhi) या ठिकाणाहून गाड्या चोरी केल्यानंतर या टोळीने सातारा, रायगड (Raigad) जिल्ह्यांमध्ये त्याची विक्री केली होती. सातारा स्थानिक गुन्हे शाखेला याची माहिती मिळाल्यानंतर त्यांनी रहिमतपूर येथील अजीम सलीम पठाण, आणि कोल्हापूर येथील अजित अण्णाप्पा तिथे या दोन चार चाकी वाहने चोरणाऱ्या आरोपींना अटक केली.

या आरोपींनी मोटरसायकल चोरी करणाऱ्या पाच आरोपींची नावे सांगितली. यामध्ये साताऱ्यातील कोडोली येथील महेश अवघडे, बाबाची वाडी येथील संतोष बाबर कोंडवे येथील वैभव बाबर मसूर येथील कृष्णात रत्नकांत काकडे उंब्रज येथील अमित बैले यांचा समावेश होता.

Satara Local Crime Branch
Mumbai News: धक्कादायक! नो एंट्रीत वाहन चालवल्याने डॉक्टरला मारहाण; ३ पोलिस निलंबित

या पाच आरोपींना सातारा स्थानिक गुन्हे शाखेने चार चाकी आणि दुचाकी प्रकरणात अटक केली आहे. तसेच त्यांच्याकडून 1 व्हॅगनार कार,1 इनोवा क्रिस्टा, 4 क्रेटा कार, 1 ब्रिझा मारुती,1 होंडा सिटी कार, 1 मारुती स्विफ्ट कार, 1 मारुती बलेनो अशा 10 आधुनिक गाड्या जप्त केल्या आहेत. यामध्ये दुचाकीमध्ये होंडा, एक्टिवा, मोपेड अशा 8 दुचाकींचाही समावेश आहे. दरम्यान, या प्रकरणाचा सखोल तपास सातारा स्थानिक गुन्हे शाखा करत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com