वाहतुक शाखेचा पाेलिस चढला ८० फुटांवर; वाचविला युवकाचा जीव

सातारा : सातारा पालिके समोरील सुमारे ८० फुटांवरील पाण्याच्या टाकीवरील रेलिंगवर एक युवक..‘मी मरणार आहे, मला मरायचे आहे असा जोर जोरात आरडाओरडा करत होता. त्याच्या आवाजाने नागरिकांचे लक्ष तिकडे गेले. गर्दी जमा झाली. त्याच्या या आत्महत्येच्या थराराने साता-याचा राजपथ थबकला. आकाशाला नजर भिडवावी लागत त्यावरुन युवक कधीही खाली पडेल अशी परिस्थिती हाेती. या परिस्थितीस वाहतुक शाखेचे कर्मचारी साेमनाथ शिंदे सामाेरे गेले आणि युवकास जीवदान मिळाले.

वाहतुक पाेलिस साेमनाथ शिंदेंना माध्यमातील प्रतिनिधींनी मदत केली. त्या युवकाचा जीव वाचवण्यात अखेर यश आले satara police saved life of youth खरे परंतु त्याने असे करण्यामागचे कारण मात्र अद्याप समजू शकले नाही.

दरम्यान शिंदे यांनी त्याची सुटका केल्यानंतर त्यांच्यावर प्रत्यक्ष घटनास्थळी काैतुकाचा वर्षाव झाला. तसेच समाज माध्यमातून शिंदेंच्या कार्याचे काैतुक हाेऊ लागले आहे. सातारा पाेलिसांची अभिमानास्पद कामगिरी अशा प्रकारच्या पाेस्ट जनता सर्वत्र व्हायरल करीत आहे.

Edited By : Siddharth Latkar