- रणजित माजगावकर
Rajaram Sahakari Sakhar Karkhana Election News : छत्रपती राजाराम सहकारी साखर कारखान्याच्या निवडणुकीत आमदार सतेज पाटील (mla satej patil) गटाचे 29 उमेदवारांचे अर्ज नुकतेच बाद झाले. त्यामुळे आता पाटील गट आक्रमक झाला आहे. या कारखान्याचे (Rajaram Sahakari Sakhar Karkhana Election Latest Updates) मॅनेजिंग डायरेक्टर आणि सहाय्यक निबंधक (डी डी आर) यांच्यावर फौजदारी गुन्हा दाखल करणार असल्याचा इशारा आमदार सतेज पाटील यांनी दिला आहे. (Breaking Marathi News)
छत्रपती राजाराम सहकारी साखर कारखान्यातील निवडणुकीच्या छाननीत सतेज पाटील गटाच्या 29 उमेदवारांचे अर्ज अवैध ठरले. त्यामुळे आमदार सतेज पाटील यांच्या नेतृत्वाखाली या उमेदवारांनी थेट प्रादेशिक सहसंचालक साखर यांच्याकडेच तक्रार केली आहे. दरम्यान यांच्याकडे न्याय मिळेल अशी अपेक्षा आहे सभासदांनी व्यक्त केली आहे.
जर न्याय मिळाला नाही तर कारखान्याचे एमडी आणि सहाय्यक निबंधक यांच्या वर फौजदारी गुन्हा दाखल करण्यात येणार असल्याचा इशाराही देण्यात आला आहे. या निवडणुकीवर सरकारचा दबाव असल्याचं त्यांनी यावेळी स्पष्ट केले. यावेळी सभासदांनी भ्याले भ्याले महाडिक भ्याले अशा घोषणांनी साखर सहसंचालक कार्यालय परिसर दणाणून सोडला.
1 लाख 30 हजार कागदपत्र सादर
दरम्यान राजाराम सहकारी साखर कारखान्याच्या निवडणुकीत अवैध ठरवलेल्या 29 उमेदवार पात्र असल्याबाबतचे 1 लाख 30 हजार कागदपत्र आज आमदार सतेज पाटील यांनी प्रादेशिक साखर सहसंचालक यांच्याकडे सादर केली आहेत अशी माहिती सर्जेराव माने (माजी चेअसरमन) यांनी दिली.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.