सचिन बनसोडे
Satyajeet Tambe News : काँग्रेस पक्षाने सत्यजित तांबे यांचे निलंबन केले असले तरी प्रचारादरम्यान अनेक काँग्रेस कार्यकर्ते सत्यजित तांबे यांच्यासोबत दिसून येत आहेत. याबद्दल तांबे यांना विचारले असता पक्षीय कारवाईने आम्ही जोडलेल्या माणसांना काहीही फरक पडणार नसल्याची प्रतिक्रिया त्यांनी दिली आहे.
माजी मंत्री शंकरराव गडाख यांचा मुलगा उदयन गडाख याचा विवाह अहमदनगर (Ahmednagar) जिल्ह्यातील सोनई येथे पार पडला. यावेळी सत्यजित तांबे यांनी विवाह सोहळ्याला उपस्थिती लावली. निलंबन कारवाईनंतरही प्रचारादरम्यान अनेक काँग्रेस (Congress) कार्यकर्ते सत्यजित तांबे यांच्यासोबत दिसून येत आहेत.
याबद्दल बोलताना तांबे म्हणाले की, काम करताना आम्ही कुठलाही पक्षीय भेदाभेद पाळलेला नाही. त्यामुळे जी माणसे आम्ही मनाने जोडली आहे. त्या माणसांना पक्षीय कारवाईने कुठलाही फरक पडणार नाही.
गेल्या पंधरा वर्षांपासून वडील सुधीर तांबे यांनी या मतदारसंघाचं नेतृत्व केलं असून पदवीधर शिक्षकांचे प्रश्न मार्गी लावले आहेत. पाचही जिल्ह्यातील लोकांचे मन जिंकण्याचे काम त्यांनी केलं आहे. त्यामुळे मला देखील प्रचंड प्रतिसाद मिळत असल्याचे सत्यजित तांबे म्हणाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
