Satyajeet Tambe News: अखेर सत्यजित तांबे यांनी मौन सोडलं, म्हणाले, योग्य वेळी...,

सत्यजित तांबे यांनी पहिल्यांदाच आपली भूमिका मांडली
Satyajeet Tambe
Satyajeet TambeSaam Tv

Nashik Graduate Constituency Election News : सत्यजीत तांबे यांनी नाशिक पदवीधर मतदारसंघात अपक्ष अर्ज दाखल केल्यामुळे राजकीय घडामोडींना वेग आला आहे. या सर्व घडामोडींदरम्यान सत्यजित तांबे भाजपमध्ये जाणार असल्याची जोरदार चर्चा सुरु होती. पण या सर्व चर्चांवर खुद्द सत्यजित तांबे यांनी आपली पहिली प्रतिक्रिया दिली आहे.

सत्यजित तांबे, सुधीर तांबे यांची शिक्षक भारतीचे आमदार कपिल पाटील यांच्यासोबत आज महत्त्वाची बैठक पार पडली. या बैठकीनंतर कपिल पाटील यांनी सत्यजित तांबे यांना पाठिंबा जाहीर केला. यावेळी सत्यजित तांबे यांनी पहिल्यांदाच आपली भूमिका मांडली.

Satyajeet Tambe
Nagpur News : काँग्रेसमधील अंतर्गत वाद पुन्हा चव्हाट्यावर; एका गटाचा अडबाले, दुसऱ्याचा झाडेंना पाठिंबा, प्रदेशाध्यक्षांचं अजून ठरेना!

काय म्हणाले सत्यजित तांबे?

"ज्यावेळी आमच्या कुटुंबाला आरोपीच्या पिंजऱ्यात उभे केले गेले, त्यावेळी स्वतःहून आमच्या पाठीशी उभे राहिल्याबद्दल कपिल पाटील यांचे आभार व्यक्त करतो. विद्यार्थी संघटनेत मी कामाला सुरुवात केली. जिल्हा परिषद सदस्य, युवक काँग्रेस प्रदेशाध्यक्ष म्हणून मी काम केलं" असं सत्यजित तांबेव म्हणाले.

"युवक काँग्रेसचे (Congress) प्रदेशाध्यक्ष असताना मी गेल्या 22 वर्षात चांद्यापासून बांद्यापर्यंत मित्र जमा करण्याचं करण्याच काम केलं. अनेक राजकीय संस्था आणि संघटनांवर मी काम करतोय. म्हणुन कपिल पाटील (Kapil Patil) यांच्या मनामध्ये गेली अनेक वर्ष होतं, खरंतर कपिल पाटील माझ्यासाठी विधानसभेचा मतदारसंघ शोधत होते”, अशी माहिती सत्यजित तांबे यांनी दिली.

Satyajeet Tambe
Crime News : कॉलेजवरून घरी परतत होत्या तरुणी; वाटेतच घडली भयंकर घटना, एकीचा मृत्यू

"राज्यात किती राजकारण होतं हे मागच्या चार-पाच दिवसात आपण सगळ्यांनी पाहिलच असेल. खूप राजकारण झालंय त्या विषयावर आम्ही योग्य वेळी योग्य रितीने बोलू. आता सध्या राजकारणावर बोलणार नाही”, अशी भूमिका सत्यजित तांबे यांनी मांडली.

"डॉ. तांबे यांनी मागील १४-१५ वर्षात अनेक काम केलंय, ते अधिक ताकदीने पुढे घेऊन जाण्याचं काम मी करेन. मुळातच मी आंदोलनातून तयार झालेला कार्यकर्ता आहे. वेळप्रसंगी प्रश्न सोडवण्यासाठी मी स्वतःच्या सरकार विरोधात देखील आंदोलन केलय. वडिलांना जशी ताकद दिली तसेच ताकद माझ्यामागे उभी करावी असे आवाहन सत्यजित तांबे यांनी केले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com