Shivani Wadettiwar on V D Savarkar: अलीकडेच काँग्रेसचे नेते राहुल गांधी यांनी स्वातंत्र्यवीर सावरकर यांच्याबद्दल वादग्रस्त वक्तव्य केलं होतं. यानंतर महाराष्ट्राचं राजकारण चांगलंच तापलं होतं. आता पुन्हा एकदा सावरकरांच्या मुद्द्यावरून राजकारण तापण्याची शक्यता आहे. काँग्रेसचे नेते आणि माजी मंत्री विजय वडेट्टीवार यांच्या कन्या शिवानी वडेट्टीवार यांनी एक व्हिडीओ ट्वीट केला आहे. त्यांनी ''बलात्काराला राजकीय हत्यार म्हणून समर्थन देणारे सावरकर हिंदूचे प्रेरणास्थान कसे?'', असं कॅप्शन देत हा व्हिडीओ शेअर केला आहे.
या व्हिडीओत शिवानी वडेट्टीवार म्हणाल्या आहेत की, बलात्कार हे राजकीय हत्यार आहे, अशा विचारांचं सावरकरांनी समर्थन केलं, असा दावा त्यांनी केला आहे. (Latest Marathi News)
त्या म्हणाल्या एकी, ''हे लोक फुले, शाहू, आंबेडकर यांच्या विचारांवर कधीच मोर्चा काढणार नाहीत. तर सावरकरांवर मोर्चा काढतात. सावरकरांचे विचार होते, बलात्कार हे राजकीय हत्यार आहे. हे तुम्ही आपल्या राजकीय विरोधकांविरोधात वापरलं पाहिजे. या विचारांचे ते समर्थन करतात. मग माझ्यासारख्या महिला भगिनींना कसं सुरक्षित वाटेल?''
लेकीच्या वक्तव्यावर काय म्हणाले विजय वडेट्टीवार?
शिवानी यांच्या वक्तव्यावर विजय वडेट्टीवार यांनीही आपली प्रतिक्रिया दिली आहे. शिवानी यांनी सावरकरांचं एक पुस्तक वाचून हे वक्तव्य केलं आहे. यावर तीच खुलासा करेल. भाजपने आरोप करण्यापूर्वी आधी संपूर्ण सावरकर वाचावा, असं ते म्हणाले आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.