विद्यार्थ्यांनाे प्रतिक्षा संपली ! दहावीची गुणपत्रिका मिळणार 'या' दिवशी

सातारा : राज्य माध्यमिक व उच्च माध्यमिक मंडळाने १७ जूनला इयत्ता दहावीचा (ssc online result) निकाल ऑनलाइन पद्धतीने जाहीर केला. त्यानंतर इयत्ता अकरावीच्या प्रवेशासाठी विद्यार्थ्यांना मूळ गुणपत्रिकेच्या प्रतिक्षेत हाेते. आता विद्यार्थ्यांची (student) ही प्रतिक्षा संपली असून येत्या साेमवारी (ता. चार जूलैला) विद्यार्थ्यांना शाळांत (school) गुणपत्रिका (ssc marksheet) दिली जाणार आहे. याबाबत राज्य माध्यमिक व उच्च माध्यमिक मंडळाने माहिती दिली आहे. (ssc marksheet latest marathi news)

दहावीचा निकाल ऑनलाइन पद्धतीने लागल्यानंतर इयत्ता अकरावी साेडून अन्य काेर्सला प्रवेश घेताना विद्यार्थ्यांना अडचणी येत हाेत्या. त्यामुळे गुणपत्रिका लवकर मिळावी अशी मागणी विद्यार्थी करीत हाेते. गुणपत्रिकांची छपाई करून त्या वितरीत करण्याच्या प्रक्रियेस आठवडा लागेल असे राज्य मंडळाने स्पष्ट केले हाेते.

दरम्यान विद्यार्थ्यांची गुणपत्रिकेची प्रतिक्षा संपली असून येत्या चार जूलैला त्याचे शाळांत वाटप केले जाणार आहे. शाळांनी त्यासाठी तयारी करावी अशी सूचना राज्य माध्यमिक व उच्च माध्यमिक मंडळाने शाळांना केली आहे. शाळांनी दुपारी तीन नंतर विद्यार्थ्यांना शाळेत बाेलवावे आणि गुणपत्रिका द्यावी असेही मंडळाकडून स्पष्ट करण्यात आले आहे.

राज्य माध्यमिक आणि उच्च माध्यमिक मंडळाकडून जुलै - ऑगस्ट २०२२ मध्ये पुरवणी परीक्षा घेण्यात येणार आहे. यासाठी विद्यार्थ्यांना नियमित शुल्कासह येत्या ३० जूनपर्यंत तर विलंब शुल्कासह चार जुलैपर्यंत अर्ज सादर करता येणार आहेत असेही मंडळाने स्पष्ट केले आहे.

Edited By : Siddharth Latkar