राऊतांमुळे आमच्यावरही अत्याचार झाला; आमदार रवी राणा काय म्हणाले? वाचा...

आमदरा रवी राणांनी संजय राऊतांवर गंभीर आरोप केलेत.
MLA Ravi Rana
MLA Ravi Ranasaam tv

मुंबई: आधी जवळपास 10 तास झाडाझडती, त्यानंतर ईडी कार्यालयात नेऊन चौकशी आणि त्यानंतर शिवसेना (Shivsena) नेते संजय राऊत (Sanjay Raut) यांना अटक करण्यात आली. त्यामुळे शिवसेनेत एकच खळबळ उडाली आहे. राऊत यांना अटक झाल्यानंतर राजकीय वर्तुळातून विविध प्रतिक्रिया येत आहे. अमरावतीचे अपक्ष आमदार रवी राणा यांनीही संजय राऊत यांच्या अटकेवर प्रतिक्रिया दिली आहे. इतकचं नाही तर त्यांनी संजय राऊतांवर गंभीर आरोप देखील केले आहेत. (MLA Ravi Rana News)

MLA Ravi Rana
संजय राऊतांवरील कारवाईनंतर मुख्यमंत्री शिंदेंची पहिली प्रतिक्रिया म्हणाले, तो भोंगा आता...

काय म्हणाले रवी राणा?

गेल्या वर्षभरापासून ईडी निष्पक्षपणे चौकशी करते आहे. अनेकदा संजय राऊत यांना देखील बयान नोंदवण्यासाठी बोलवण्यात आलं होतं. संजय राऊत यांनी अनेक भ्रष्टाचार केलेत. त्याचे धागेदोरे सुद्धा मोठे आहेत आणि ते अनिल परब पर्यंत सुद्धा पोहोचतील आणि त्यांना सुद्धा जेलमध्ये जावं लागेल. राऊतांमुळे आमच्यावर देखील अत्याचार झाला. जैसी करणी वैसी भरणी असं रवी राणा यांनी म्हटलं आहे.

पुढे बोलताना राणा म्हणाले की, महाविकास आघाडी सरकार अस्तित्वात आणण्याची मोठी जबाबदारी संजय राऊतांवर होती. उद्धव ठाकरेंना भाजपकडून बाहेर काढून काँग्रेसमध्ये युती झाली आणि त्यांना मुख्यमंत्री बनवण्यात आलं यामागे सुद्धा संजय राऊत होते. अशी प्रतिक्रिया आमदार रवी राणा यांनी दिली आहे. (Sanjay Raut Latest News)

MLA Ravi Rana
Sanjay Raut Arrest : सर्वात मोठी बातमी! संजय राऊत यांना अखेर ईडीकडून अटक

राऊतांवरील कारवाईनंतर मुख्यमंत्री शिंदेंची पहिली प्रतिक्रिया

संजय राऊत यांना ईडीकडून अटक झाल्याप्रकरणी औरंगाबाद येथे माध्यमांशी बोलताना मुख्यमंत्री एकनाथ शिंदेंनी (Eknath Shinde) खिल्ली उडवत प्रतिक्रिया दिली शिंदे म्हणाले, 'तो ८ वाजताचा भोंगा आता बंद झाला आहे. शिवाय ज्यांनी ज्यांनी आम्हाला त्रास दिला, ते आपापल्या कर्माने जातील असं देखील ते यावेळी म्हणाले.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com