गोंदिया पुन्हा हादरला; अल्पवयीन मुलीवर अत्याचार, गर्भपातानंतर मृत्यूशी झुंज

गोंदिया : अल्पवयीन मुलीवर अत्याचार झाल्याच्या धक्कादायक घटनेमुळं गोंदिया (Gondia) पुन्हा हादरला आहे. या घटनेमुळं एकच खळबळ उडाली आहे. एका नराधमाने अल्पवयीन मुलीवर अत्याचार (Minor Girl Molested) केल्यामुळं पीडित मुलगी चार महिन्यांची गर्भवती झाली. हा धक्कादायक प्रकार आरोपीला कळताच त्याने डॉक्टरांच्या परवानगीशिवाय पीडित मुलीला गर्भपाताच्या गोळ्या जबरदस्ती खायला दिल्या. त्यामुळं पीडितेच्या आरोग्यास धोका निर्माण झाला असून गोंदियातील बाई गंगाबाई रूग्णालयात तिच्यावर उपचार सुरु आहेत. पीडित मुलगी रुग्णालयात मृत्यूशी झूंज देत आहे. याप्रकरणी पोलिसांनी (culprit arrested) आरोपीला अटक केली आहे.

गोंदियात अल्पवयीनवर नराधमाने अत्याचार केल्याची घटना उघडकीस आल्यावर शिवसेनेच्या आमदार मनिषा कायंदे यांनी पोलिसांच्या कार्यप्रणालीवर प्रश्नचिन्ह उपस्थित केले आहे. पीडितेवर रुग्णालयात उपचार सुरु असून कायंदे यांनी तिच्या प्रकृतीची विचारपूसही केली. गोंदियात महिलांवरील अत्याचाराची प्रकरणं वाढत असल्याने कायंदे यांनी शिंदे-फडणवीस सरकारवर जोरदार टीका केलीय.

मिळालेल्या माहितीनुसार, भंडाऱ्यात महिलेवर अत्याचार झाल्याची घटना ताजी असतानाच गोंदियात अल्पवयीनवर अत्याचार झाल्याची घटना उघडकीस आली. एका नराधमाने अल्पवयीन मुलीवर अत्याचार केल्यामुलं पीडित मुलगी गर्भवती झाली. आरोपीनं डॉक्टरांच्या परवानगीशिवाय पीडित मुलीला गर्भपाताच्या गोळ्या जबरदस्ती खायला दिल्या. त्यानंतर पीडित मुलीची प्रकृती खालावली असून गोंदियातील रुग्णालयात पीडिता मृत्यूशी झूंज देत आहे.

Edited By - Naresh Shende