Sharad Pawar : आपल्या देशातील लोकशाही धोक्यात आहे असं वक्तव्य सातत्याने विरोधी पक्षातील नेते करत आहेत. अशात आज देशातील एकूण ९ विरोधी नेत्यांनी पंतप्रधान नरेंद्र मोदी यांना एक पत्र लिहिलं आहे. यामध्ये इडी, सीबीआय अशा सरकारी संस्था भाजपमधील नेत्यांचा संथ गतीने तपास करतात असं म्हटलं आहे. ९ विरोधी पक्षनेत्यांमध्ये राष्ट्रवादीचे अध्यक्ष शरद पवार हे देखील आहेत. पंतप्रधान मोदींना पत्र दिल्यानंतर यावर त्यांनी आपली प्रतिक्रिया दिली आहे. (Latets Sharad Pawar News)
मनीष सिसोदिया यांच दिल्लीच्या विकासकामात मोठं योगदान आहे. त्यांनी दिल्लीत बाहेरील राज्यातील चोरटी दारू येत आहे म्हणून दारूवरचा tax कमी केला. त्यामुळे त्यांच्यावर गुन्हा दाखल केला आणि अटक करण्यात आली. अशा पद्धतीने नाव समोर आलेल्या ८ नेत्यांना देखील अटक करण्यात आली आहे. त्यांचा उल्लेख पत्रात केला आहे. अशाप्रकारचे गुन्हे दाखल केल्यावर संबंधित नेत्यांना अटक करण्यात आली. मात्र नंतर भाजपमध्ये प्रवेश केल्यावर त्यांना बाहेर काढण्यात आलं आहे. ही सर्व माहिती पत्रात देण्यात आलीये, असं शरद पवार म्हणाले.
राज्यपाल सरकारच्या कामात हस्तक्षेप करत असल्याचा आरोपही या पत्रात करण्यात आला आहे. केंद्र आणि राज्यांमध्ये राज्यपालांमुळे तेढ निर्माण होतं आहे. केंद्रीय यंत्रणांची प्रतिमा मलिन होतेय, असा दावा विरोधी पक्षनेत्यांनी केला आहे. यासोबतच त्यांनी याबाबत चिंताही व्यक्त केली आहे.
राष्ट्रवादी काँग्रेसचे अध्यक्ष शरद पवार आज कराड येथील सदगुरु गाडगे महाराज महाविद्यालयात आले होते. येथे बांधण्यात आलेल्या शताब्दी इमारतीच्या उद्घाटनाच्या कार्यक्रमासाठी ते आले होते. या कार्यक्रमावेळी डॉ.अनिल पाटील यांनी सद्गुरू गाडगे महाराज महाविद्यालय उभं करताना कर्मवीर भाऊराव पाटील यांनी कशाप्रकारे मदत मिळवली. पुण्यातील शेतकरी आणि नागरिकांनी कशी मदत केली याचा किस्सा सांगितला. यावेळी व्यासपीठावर असलेल्या शरद पवार यांचे डोळे अश्रूने भरले. शरद पवार भावनिक झाले होते. पवारांची अवस्था बघून उपस्थितही स्तब्ध झाले.
या 9 नेत्यांनी लिहिले संयुक्त पत्र
1. पंजाबचे मुख्यमंत्री आणि आप नेते भगवंत मान
2. दिल्लीचे मुख्यमंत्री आणि आप प्रमुख अरविंद केजरीवाल
3. बंगालच्या मुख्यमंत्री आणि TMC प्रमुख ममता बॅनर्जी
4. बिहारचे उपमुख्यमंत्री आणि आरजेडी नेते तेजस्वी यादव
5. राष्ट्रवादीचे अध्यक्ष शरद पवार (Sharad Pawar)
6. तेलंगणाचे मुख्यमंत्री आणि BRS प्रमुख के चंद्रशेखर राव
7. यूपीचे माजी मुख्यमंत्री आणि सपा प्रमुख अखिलेश यादव
8. महाराष्ट्राचे माजी मुख्यमंत्री उद्धव ठाकरे (Uddhav Thackeray)
9. जम्मू-काश्मीरचे माजी मुख्यमंत्री फारुख अब्दुल्ला
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
