गद्दारांना कठोरात कठोर शिक्षा मिळायला हवी; औरंगाबादेत महिला शिवसैनिकांना अश्रू अनावर

औरंगाबादेतील शिवसैनिकांनी नाराजी व्यक्त करत एकनाथ शिंदे यांच्याविरोधात घोषणाबाजी केली.
गद्दारांना कठोरात कठोर शिक्षा मिळायला हवी; औरंगाबादेत महिला शिवसैनिकांना अश्रू अनावर
Aurangabad Shivsena Latest NewsSaam TV

मुंबई : शिवसेनेचे नेते तसेच महाविकास आघाडी सरकारमधील मंत्री एकनाथ शिंदे यांनी बंड केलं आहे. एकनाथ शिंदे शिवसेनेच्या 30 ते 35 आमदारांना घेऊन गुवाहटी येथे पोहचले आहे. त्यांच्या या पवित्र्यामुळे महाविकास आघाडी सरकार कोसळण्याची शक्यता वर्तवली जात आहे. अचानक शिंदे यांनी बंड केल्याने शिवसैनिकांमध्ये नाराजी पसरली आहे. दरम्यान, शिंदे यांच्यासोबत औरंगाबाद जिल्ह्यातील 5 आमदार असल्याची माहिती आहे. अशातच औरंगाबादेतील शिवसैनिकांनी नाराजी व्यक्त करत एकनाथ शिंदे यांच्याविरोधात घोषणाबाजी केली. (Shivsena Latest News)

Aurangabad Shivsena Latest News
सर्वात मोठी बातमी! एकनाथ शिंदे गटाने मागितली राज्यपालांची वेळ; संख्याबळ ऑनलाईन दाखवणार!

एकनाथ शिंदे यांनी अचानक घेतलेल्या या निर्णयामुळे शिवसेनेत प्रचंड खळबळ उडाली आहे. याविरोधात सगळीकडे निदर्शने करण्यात येत आहेत. अशातच आज सकाळी औरंगाबाद शहरातील क्रांती चौकात आम्ही उद्धव साहेबांसोबत अशा घोषणा देत निदर्शने करण्यात आली. यावेळी महिला शिवसैनिक भावनिक झाल्याच पाहायला मिळाल्या. यावेळी महिला शिवसैनिकांना अश्रुही अनावर झाले होते. (Shivsena Latest Marathi News)

Aurangabad Shivsena Latest News
कॉंग्रेसचे ज्येष्ठ नेते कमलनाथ यांच्या भेटीनंतर शरद पवारांनी केलं मोठं ट्विट

शिवसेनेकडून जे आमदार निवडूण आले आहेत. त्यांना सर्व शिवसैनिकांसह मतदारांनी मतदान करून अत्यंत मेहनतीने निवडून आणले आहे. त्यांनी पक्षासोबत एकनिष्ठ राहायला हवं होतं. मात्र आज त्यांनी त्यांची निष्ठा विकून टाकत शिवसेनेला संकटात टाकलं. याचा आम्ही निषेध करतो असं म्हणत महिला शिवसैनिकांनी एकनाथ शिंदे यांच्यासह बंडखोर झालेल्या सर्व आमदारांचा निषेध केला आहे.

इतकंच नाही तर, शिवसेनेसोबत गद्दारी करणाऱ्या या गद्दार आमदारांना कठोरात कठोर शिक्षा मिळावी अशी मागणीही महिला आंदोलकांनी केली. यावेळी महिला आमदारांना अश्रू अनावर झाले होते.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com