Amravati News : शिवसेनेला मोठा धक्का; ठाकरेंचा मावळा भाजपाच्या गोटात

अमरावतीत शिवसेनेला मोठा धक्का बसला आहे.
Amravati Shivsena Todays News
Amravati Shivsena Todays NewsSaam TV

Amravati Shivsena Todays News : एकनाथ शिंदे आणि 40 हून अधिक आमदारांच्या बंडानंतर शिवसेनाला (Shivsena) धक्क्यावर धक्के बसत आहेत. नगरसेवकांपाठोपाठ शिवसेनेच्या तळागाळातील पदाधिकाऱ्यांनी सुद्धा शिंदे गटाची वाट धरली आहे. आज पुन्हा अमरावतीत शिवसेनेला एक मोठा धक्का बसला. अमरावती (amravati) शिवसेनेचे जिल्हाप्रमुख राजेश वानखेडे यांनी भाजपात प्रवेश केलाय. (Amravati Todays News)

Amravati Shivsena Todays News
Amravati News : अमरावती लव्ह जिहाद प्रकरणात नवा ट्विस्ट; पोलीस तपासात मोठी माहिती उघड

राजेश वानखेडे यांनी उपमुख्यमंत्री देवेंद्र फडणवीस आणि भाजप प्रदेशाध्यक्ष चंद्रशेखर बावनकुळे यांच्या उपस्थितीत कमळ हाती घेतलं आहे. वानखेडे यांच्याबरोबर शिवसेना उपजिल्हाप्रमुख प्रदीप गौरखेडे, संजय देशमुखांसह तब्बल 36 पदाधिकाऱ्यांनी भाजपात प्रवेश केलाय.

दिवसेंदिवस पदाधिकाऱ्यांसह कार्यकर्ते पक्षाला सोठचिठ्ठी देत असल्याने, एकीकडे पक्षाला बळ द्यायचं की शिवसैनिकांना पक्षांतरापासून वाचवायचं, अशी द्विधा परिस्थिती उद्धव ठाकरे यांच्या समोर उभी ठाकली आहे. (Amravati Shivsena News)

Amravati Shivsena Todays News
Wardha News : मित्रासोबत दारू पिण्यासाठी गेला अन् जीव गमावून बसला; नेमकं काय घडलं?

दरम्यान, वानखेडे यांनी भाजपमध्ये प्रवेश करणं हा शिवसेनेला बसलेला मोठा धक्का मानला जात आहे. कारण, वानखेडे यांची अमरावतीच्या तिवसा मतदारसंघात चांगलाच दरारा होता. वानखेडे यांनी तिवसा मतदारसंघातून काँग्रेसच्या आमदार यशोमती ठाकूर यांच्या विरोधात निवडणूक सुद्धा लढवली होती.

वानखेडे यांना आतापर्यंत एक कट्टर शिवसैनिक आणि मातोश्रीशी एकनिष्ठ असणारे कार्यकर्ते मानले जात होते. परंतु राज्यातील सत्तासंघर्षानंतर सध्याची परिस्थिती लक्षात घेता वानखेडेंनी भाजपमध्ये प्रवेश करण्याचा निर्णय घेतल्याची चर्चा आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com