त्यावेळी तुम्ही काय केलं; राजेंचा शशिकांत शिंदेंना प्रश्न

रामराजेंनी नावे जाहीर केली त्यावेळी एक वर्षासाठी निवड असल्याचे सांगितले आहे.
त्यावेळी तुम्ही काय केलं; राजेंचा शशिकांत शिंदेंना प्रश्न
shashikant shinde & shivendraraje bhosale

सातारा : (कै.) अभयसिंहराजे उर्फ भाऊसाहेब महाराज यांच्यावर राष्ट्रवादीत असताना झालेल्या कुरघोड्यांच्या वेळीस तुम्ही काेठे हाेता. ज्यावेळी भाऊसाहेब महाराज यांना मंत्री पदासाठी डावलले. त्यावेळी तुम्ही नेमके काेणते प्रयत्न केले. जिल्हा बॅंकेत अध्यक्षपद मलाच मिळावे असा माझा मुळीच अट्टाहास नव्हता. मला पाच वर्षे अध्यक्ष करण्यासाठी तुम्ही हरकत घेतली होती हे विसरलात का? तुम्ही पाहिजे तेवढं वातावरण तापवा तुम्हाला थंड करून घरी बसवण्याची ताकद आमच्यात आहे असा प्रतिहल्ला भाजपचे आमदार शिवेंद्रसिंहराजे भाेसले (shivendraraje bhosale) यांनी सातारा (satara) राष्ट्रवादी काॅंग्रेसचे आमदार शशिकांत शिंदे (shashikant shinde) यांच्यावर येथे केला.

आमदार शिंदे यांनी माझी शिफारस नसल्यानेच ज्येष्ठ नेते शरद पवार यांनी आमदार शिवेंद्रसिंहराजे भाेसले यांना बॅंकेचे अध्यक्षपद दिले नाही असे म्हटलं हाेते. त्यास आज सुरुची बंगला येथे आमदार शिवेंद्रसिंहराजे भाेसले यांनी पत्रकार परिषद घेऊन उत्तर दिले आहे.

shashikant shinde & shivendraraje bhosale
BJP ला उदयनराजे नकाेसे झालेत? प्रदेशाध्यक्षांपुढील वक्तव्याने खळबळ

शिवेंद्रसिंहराजे म्हणाले मलाच बॅंकेचे अध्यक्षपद मिळावे असा अट्टहास नव्हता. विद्यमान अध्यक्ष नितीन पाटील यांना सूचक मी आहे. चेअरमन पदावर माझं काही चालत नाही. शशिकांत शिंदेंचा जावळीत झालेला पराभव हा त्यांच्या गटबाजीमुळे झाला आहे. रामराजेंनी नावे जाहीर केली त्यावेळी एक वर्षासाठी निवड असल्याचे सांगितले आहे. गटबाजीसाठी शशिकांत शिंदेंना जावळी तालुकाच का दिसतो? असा प्रश्न राजेंना विचारला आहे. शशिकांत शिंदेंचा काय डाव आहे हे नक्कीच आम्ही समजू शकतो. मी कुठे जायचे हे त्यांनी सांगायची गरज नाही. ते मी आणि माझे कार्यकर्ते ठरवू. तुम्ही पाहिजे तेवढे वातावरण तापवा, तुम्हाला थंड करून घरी बसवण्याची ताकद आमच्यात आहे असा इशारा देखील राजेंनी आमदार शिंदेंना दिला आहे.

edited by : siddharth latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.