बाळासाहेबांचा हिंदुत्वाचा विचार पुढं नेण्याचा सेना जिल्हाप्रमुखाचा निर्धार; एकनाथ शिंदे गटात दाखल

सांगली : शिवसेनाप्रमुख बाळासाहेब ठाकरे (Balasaheb Thackeray) आणि धर्मवीर आनंद दिघे यांचा हिंदुत्वाचा विचार पुढे नेण्यासाठी मुख्यमंत्री एकनाथ शिंदे (Eknath Shinde) यांच्याबरोबर कार्यरत राहणार असल्याचे शिवसेनेचे ग्रामीण (sangli) जिल्हाप्रमुख आनंदराव पवार (anandrao pawar) यांनी नमूद केले. पवार यांनी त्यांच्या पदाचा राजीनामा दिल्याचे माध्यमांशी बाेलताना स्पष्ट केले. (Eknath Shinde Latest Marathi News)

आनंदराव पवार म्हणाले मुंबई येथे जाऊन आम्ही कार्यकर्त्यांसमवेत मुख्यमंत्री एकनाथ शिंदे यांची भेट घेतली. मुख्यमंत्री शिंदे यांना आम्ही तुमच्या समवेत कार्यरत राहून हिंदुत्वाचा (Hindutva) विचार पुढे नेणार असल्याची ग्वाही दिल्याचे पवार यांनी सांगितले.

पवार म्हणाले बाळासाहेबांचे कट्टर शिवसैनिक आम्ही आहोत. कायम कट्टरच राहणार परंतु सांगली जिल्ह्याच्या विकासासाठी एकनाथ शिंदे यांच्याबरोबर राहण्याचा निर्णय व निर्धार केला आहे. शिवसेनेच्या जिल्हाप्रमुख पदाचा राजीनामा दिला आहे. शिवसैनिकांना न्याय मिळावा यासाठी प्रयत्न करणार आहे. (Latest Marathi News)

महाविकास आघाडीत असूनही शिवसैनिकांवर जिल्ह्यात राष्ट्रवादीकडून (NCP) प्रचंड अन्याय झाला. महाविकास आघाडीची अभद्र युती मान्य नाही. त्यामुळे एकनाथ शिंदेंना आम्ही पाठिंबा देत असल्याचे पवार यांनी जाहीर केले.

Edited By : Siddharth Latkar