Aditya Thackeray News: आदित्य ठाकरेंची आज तोफ धडाडणार; मुख्यमंत्र्यांना शुभेच्छा देणार की टीका करणार?

युवासेना प्रमुख आणि शिवसेना नेते आदित्य ठाकरे आज औरंगाबाद दौऱ्यावर आहेत.
aditya thackeray and eknath shinde
aditya thackeray and eknath shindeSaam TV

Aditya Thackeray In Aurangabad : आदित्य ठाकरे यांच्या शिव संवाद यात्रेच्या सातव्या टप्प्याचा आजचा चौथा दिवस आहे. युवासेना प्रमुख आणि शिवसेना नेते आदित्य ठाकरे आज औरंगाबाद दौऱ्यावर आहेत. आदित्य ठाकरे आज औरंगाबाद येथे ठिकठिकाणी संवाद साधणार आहेत. विशेष म्हणजे आदित्य ठाकरे दौऱ्यावर असल्यापासून मुख्यमंत्री एकनाथ शिंदे यांना आव्हान देत आहात.

aditya thackeray and eknath shinde
Kalyan Crime News: आरपीएफ पोलीस उपनिरीक्षकाची काठीने मारहाण करत हत्या, कल्याणमधील खळबळजनक घटना

त्यामुळे आज आदित्य ठाकरे (Aditya Thackeray) मुख्यमंत्री एकनाथ शिंदे यांना काय नवीन आव्हान देणार याकडे लक्ष लागले आहे. तसेच मुख्यमंत्री एकनाथ शिंदे यांचा आज वाढदिवस आहे तर आदित्य ठाकरे मुख्यमंत्री एकनाथ शिंदे (Eknath Shinde) यांना कशाप्रकारे शुभेच्छा देतात हे पाहणं महत्वाचं असेल.

आदित्य ठाकरे यांची औरंगाबादच्या (Aurangabad) बिडकीन गावात सभा होणार आहे. औरंगाबाद पैठण रस्त्यावर असलेल्या या गावातील छत्रपती शिवाजी महाराज चौकात ही सभा पार पडणार आहे.

विशेष म्हणजे पहिल्यांदा आदित्य ठाकरे यांनी ज्या गावात रॅली काढली होती, त्याच ठिकाणी काही दिवसांनी मुख्यमंत्री एकनाथ शिंदे यांची देखील रॅली निघाली होती. त्यामुळे या गावाची मोठी चर्चा झाली होती.

aditya thackeray and eknath shinde
Osmanabad News : उरुसासाठी जमलेला गर्दीत वळू उधळला; चेंगराचेंगरीत २० भाविक जखमी, व्हिडिओ व्हायरल

आदित्य ठाकरे यांच्या महालगावातील कार्यक्रमात झालेल्या गोंधळानंतर विरोधी पक्षनेते अंबादास दानवे यांनी थेट पोलीस महासंचालकांना पत्र लिहून पोलीस सुरक्षेत कसूर झाल्याचा दावा केला होता. त्यानंतर आदित्य ठाकरे यांच्या होणाऱ्या सर्व कार्यक्रमाच्या ठिकाणी यापुढे अतिरिक्त पोलीस बंदोबस्त देण्यात येत आहे. तर आज बिडकीन गावात होणाऱ्या आदित्य ठाकरे यांच्या सभेसाठी देखील मोठा पोलीस बंदोबस्त तैनात करण्यात आला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com