'उध्दव ठाकरे यांच्यावरील संकट दूर व्हावे' शिवसैनिकांचे आराध्य दैवत राजेश्वराला साकडे

शिवसेनेचे नेते आणि मंत्री एकनाथ शिंदे यांनी बंडाच 'राजकारण' केल्याने महाविकास आघाडीत मोठी बिघाडी झाली आहे.
Uddhav thackeray
Uddhav thackeray Saam Tv

अकोला : महाराष्ट्राच्या राजकारणात शिवसेनेचे नेते आणि मंत्री एकनाथ शिंदे (Eknath Shinde) यांनी बंडाच 'राजकारण' केल्याने महाविकास आघाडीत मोठी बिघाडी झाली आहे. शिंदे जवळपास ४० समर्थक आमदारांसह राज्याच्या गुवाहाटीत एका हॉटेलमध्ये सत्तास्थापनेत्या आकडेवारीचं गणित सोडवण्यात व्यग्र आहेत. एकनाथ शिंदे यांच्या बंडाळीच्या भूमिकेमुळं शिवसेनेसह महाविकास आघाडीला (mva government) मोठा धक्का बसला आहे.

Uddhav thackeray
उद्धव साहेब आणि एकनाथ शिंदे यांची श्रीराम लक्ष्मणाची जोडी; दीपाली सय्यद यांचं ट्विट

त्यामुळे मुख्यमंत्री उद्धव ठाकरे यांच्या अडचणी वाढल्या आहेत. पण अकोल्यातील निष्ठावंत शिवसैनिक पक्षप्रमुख उद्धव ठाकरे (uddhav Thackeray) यांच्यासोबत आहेत. उद्धव ठाकरे यांच्यावर आलेलं संकट दूर होण्यासाठी अकोल्यातील आराध्य दैवत असलेल्या राजराजेश्वर महाराज यांना शिवसैनिकांनी साकडे घातले आहे. काल मुंबईतही मातोश्रीबाहेर शिवसैनिकांनी जोरदार शक्तीप्रदर्शन करत ठाकरे कुटुंबीयांना पाठिंबा दर्शवला. शिंदे यांनी आमदारांसोबत मुंबईत यावे, अशी आर्त हाक शिवसेना नेत्या किशोरी पेडणेकर यांनी सोशल मीडियाद्वारे दिली होती.

एकनाथ शिंदे यांच्या ट्विटमुळं राजकीय वातावरण तापलं

दरम्यान, शिवसेना (Shivsena) विधिमंडळ मुख्य प्रतोद पदी शिवसेना आमदार भरत गोगावले यांची नियुक्ती करण्यात आली आहे. सबब, सुनील प्रभू यांनी आजच्या आमदारांच्या बैठकीबद्दल काढलेले आदेश कायदेशीरदृष्ट्या अवैध आहेत, असं ट्विट नगरविकास मंत्री एकनाथ शिंदे यांनी केलं आहे. त्यांच्या या ट्विटनंतर राजकीय वातावरण तापलं आहे.

Uddhav thackeray
'...तर काेणीच मुख्यमंत्री बनणार नाही, राष्ट्रपती राजवट लागेल'

दिपाली सय्यद यांचं ट्विट चर्चेत

"माननीय उद्धव साहेब आणि एकनाथ शिंदे साहेब यांची श्रीराम लक्ष्मणाची जोडी हिंदुत्वाच्या वनवासात कायम राहील. शिवसैनिकांनो रडायचे नाही लढायचे. आपले मत शिवसेनेला कायम राहील. हा रामराज्याचा संघर्ष महाराष्ट्राच्या इतिहासात सुवर्ण अक्षरात लिहीला जाईल". अशा स्वरुपाचं ट्विट दीपाली सय्यद यांनी केलं आहे.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com