कोल्हापूर: शिवसेनेचे ज्येष्ठ नेते एकनाथ शिंदे (Eknath Shinde) यांच्यासह ४० आमदारांनी बंड केले, त्यामुळे राज्यातील महाविकास आघाडी सरकार कोसळले. भापजसोबत जात शिंदे गटाने सरकार स्थापन केले. आमदारांपाठोपाठ आता शिवसेनेच्या १२ खासदार शिंदे गटात गेले आहेत. यात कोल्हापुरचे खासदार धैर्यशिल माने यांचाही सहभाग आहे. याविरोधात आज कोल्हापुरात शिवसैनिकांनी आंदोलन सुरू केले आहे.
कोल्हापूर जिल्ह्यातून हजारो शिवसैनिक कोल्हापुरात (Kolhapur) दाखल झाले आहेत. हे शिवसैनिक रुईकर कॉलनी येथे धैर्यशील माने यांचे निवासस्थानावर हा मोर्चा जाणार आहे. पोलिसांचा मोठा बंदोबस्त ठेवला आहे.
आज मुख्यमंत्री एकनाथ शिंदे कोल्हापूरमध्ये भाजपचे (BJP) प्रदेशाध्यक्ष चंद्रकांत पाटील यांच्या घरी येणार आहेत. या पार्श्वभूमिवर आज कोल्हापूरात मोठा पोलिस बंदोबस्त चोख ठेवण्यात आला आहे. शिवसैनिक आज धैर्यशील माने यांच्या घराजवळ जावून जाब विचारणार आहेत.
तर दुसरीकडे धैर्यशील माने गेल्या पाच दिवसांपासून दिल्लीत आहेत.आंदोलनात सहभागी झालेले शिवसैनिक आक्रमक झाले आहेत.
काही दिवसांपूर्वी कोल्हापुरात शिवसैनिकांनी मोर्चा काढला होता, त्यावेळी मोठा गोंधळ निर्माण झाला होता. त्यामुळे आजच्या आंदोलनाला पोलिसांचा मोठा बंदोबस्त आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
